小丸子博物館返到去清水站,係東口落樓梯就會有免費穿梳巴士去S-Pulse Dream Plaza而小丸子博物館就係S-Pulse Dream Plaza 3樓記得shuttle bus 15分鐘一班回程都有免費巴士架 扶手電梯上到3樓就會見到呢個牌面姐係代表你已經進入小丸子天地啦! 擺低600円,你就可以有入場卷同一把小丸子扇把扇幾好用,呢排係屋企日日潑 一行入去,小丸子、小玉同爺爺就已經歡迎你然後你仲可以係牆身睇小丸子同其他角色簡介 然之後就係一系列場面背景等大家懷念下昔日童真有屋企、有班房點擊圖片放大 +2 都有d位比你影下相 另外S-Pulse Dream Plaza其實都係一個大型購物商場隔離仲有個摩天輪添不過一落雨就乜都唔好 御殿場Outlet本身我計劃好完美可以直踩去日本平再睇景但落起雨而我又無遮,真係會好狼狽之餘又掃興我即刻望一望我個行程,有辦法!就係而加即刻前去御殿場Outlet反正去outlet都唔洗理會天氣,只理會荷包由清水過去御殿場Outlet其實係長途跋涉根本就完全唔岩路但呢d天氣留係靜岡同清水一樣無野好做眨左好耐嘅眼就到左JR御殿場站如果你手持我個張Mini Pass你就有兩款免費車去御殿場Outlet 第一個就係要用pass先免費嘅富士急巴士時間表在此 http://bus.fujikyu.co.jp/pdf/rosen/gotemba/201804/timetable_2.pdf記得要係藍色箭嘴Mr. Fuji Side個邊落,去7號巴士站 第二個就係御殿場Outlet自己提供嘅shuttle bus, 任何人都免費00分、15分、30分、45分就會開出但就要係相反方向紅色箭嘴箱根乙女口個邊落巴士在此! 記得去到任何outlet第一件事都係要去information centre用你本passport換返本coupon book雖然折頭唔多,幾乎都係另外再多95折、9折但不用白不用! 御殿場Outlet其實真係一個非常出色、環境優美嘅outlet如果好天仲可以清晰見到富士山另外設計亦具備濃厚歐美風格,令人行得非常舒服點擊圖片放大 +2 但缺點就係因爲呢個outlet非常旺引致好多大家喜愛嘅品牌貨源都比較少,屢屢被搶購例如Nike真係平貨嘅基本上碼數都好少 M L就真係少啦另外價錢上我認爲係outlet當中算數一數二貴,貴貨多,平貨少不過一場黎到都周圍行下啦雖則我銀彈唔多有Häagen-Dazs!超平,迷你杯200円都唔洗 亦有年輕人、大隻仔、真僞ABC最愛嘅A&F 我無乜點買野,可能因爲身上銀彈少亦都因爲好多都睇唔上眼