清水港既然落雨掃興,我唯有搭車返去清水站覓食先前都有講過靜岡縣有兩個漁港非常有名而其中一個就係係正JR清水站隔離嘅清水港清水港最出名就係櫻花蝦同吞拿魚所以大家如果要去清水港一定唔可以錯過呢兩樣野!餐廳區8成商鋪都係全年無休,而魚市場區同少部分食店就會係逢星期三唔開鋪我呢一日係星期三,所以無辦法比大家望下魚市場啦要去清水港就要經清水站東口隔離條天橋行到尾 基本上係天橋上面已經可以見到清水港 要去餐廳區就係呢個位入去 未入去之前已經見到好多商鋪招牌同menu大家都可以揀定先入去 係呢度食新鮮魚生同定食真係超抵!絕大部分都係1000-2000円,已經有好豐富選擇大家記住係有兩層,所以唔洗太快做決定行下望多陣餐牌先動身 呢度連夾公仔機都係同海鮮有關…… 我就入左呢間叫清水まぐろ館 海山嘅餐廳 主要係被門口個d刺身定食所吸引到而且老闆娘仲話渡し舟每日都有限量10定15份定食係買1020円所以我呢d小師奶就咁就入左去 除左叫渡し舟一個set外我仲另外叫左個炸櫻花蝦餅(520円)食物一次過呈上,真係超豐富!! 先講下炸櫻花蝦餅主要係用大量當地盛產櫻花蝦,配合少少蔥而去炸咬落去脆卜卜之餘本身櫻花蝦都應該有稍微調味過,所以都有少少咸香另外再點埋個淡豉油就真係一絕 然後輪到魚生定食,犀利啦 上面有多款吞拿魚同其他刺身包括肥瘦絞成嘅免治拖羅、中拖羅、價錢較平但脂肪高嘅長鰭吞拿魚另外仲有牡丹蝦刺身、三文魚同墨魚中拖羅質素都好高首先顔色係深紅色,又帶足夠油脂夾上手個陣會覺得非常軟熟,但食落口卻係會感到爽實而另外被一般人視爲cheap野嘅長鰭吞拿魚呢一間油份好高,咬落去好軟熟,有具備拖羅嘅口感其他刺身都係very good另外值得一讚,又係湯啊!係三島個間用魚肉煲,但呢度就係用蝦煲對於超中意飲湯嘅我覺得超級過癮