三保松原三保松原係2013年被記錄為世界文化遺產(事實上其實係富士山被記錄,而三保松原則係構成富士山其中一環節)不過都被譽爲新日本三景三保松原由約3萬棵松樹、長7公里海岸同滔滔不絕嘅海浪組成同時都係一個飽覽富士山嘅好地方要去三保松原,就要去JR清水站轉乘巴士前往係清水站西口一出就會見到3號巴士站係呢度直接等車就可以 如果你好彩的話仲會有機會搭到以小丸子為設計嘅粉紅色巴士 大家望清楚落車點同上車點啦,因爲唔係正對面 一路向前行,再跟住指示牌其實都好容易行到去 當你見到呢條松樹小路,你已經半隻腳踏入左三保松原啦 呢條松樹小路有名堂架,叫做神之道話係日本神明常世神嘅通道行一行就包你有運行係上面行,你會感覺好似被松樹環抱而且係木道上面行,零舍復古 穿過神之道就正式係三保松原 一路向海灘方向邁進然後映入眼簾嘅就係……灰蒙蒙一片大海而且仲落住雨 好天個陣係可以超級清楚見到富士山 而我此時此刻見到嘅就係Nothing灰灰的天,空空的街,千串細雨點 因爲落雨,人影都無乜幾隻淨係聽到海浪聲同雨水滴落海嘅聲音 聽,海哭的聲音~~ 其實三保松原除左係世界文化遺產更加係被讚為日本新三景,有立碑為證 天氣問題令到成個感官都好一般所以我做左一個魯莽決定,就係擇日重賽!而擇嘅日就係聽日……另外順帶一提其實要去三保松原除左搭巴士之外,更加可以係清水港或者S-Pulse Dream Plaza隔離搭船無論邊度出發都係400円一程仲可以順便係碼頭租借單車上船去三保松原踩,500円一日但因爲落雨,所以我無考慮呢d方法加上我用Mini Pass搭巴士本身免費