23/5靜岡都廳 - 三保松原 - 小丸子博物館 - 御殿場Outlet (靜岡都廳 - 三保松原 - 日本平 - 小丸子博物館) 呢日天公不造美,前一晚check天氣明明都係話呢一日多雲有少少太陽但一起身見到個天完全係灰,check完天氣發覺變成多雲有雨我個心情都瞬間變多雲有雨因爲本身安排兩個睇景好好嘅地方但都無辦法,the trip must go on我今日早餐係食雞肉飯糰 第一站先去到靜岡站一出站就已經覺得不愧為靜岡縣中心地帶 靜岡縣基本上無身處大廈入面嘅展望台唯一一個就係位於靜岡都廳別館21樓係靜岡站北口一出落隧道,就會有好清晰指示牌指引你 記得係靜岡都廳別館,因爲其他大樓係人地office同警察廳 直接行入去搭lift上21樓就得開放時間係閒日0830-1800 ; 假日1000-1800 呢個展望台又空曠又有位坐,最緊要無乜人黎 好天個陣其實係可以清晰望到富士山但可惜今日天氣…… 唯有比當係包攬靜岡市市景啦超過7層嘅樓其實都唔少架整體都唔會叫好荒蕪 不過無景睇就真係爭少少啦比張係官方網站搵到嘅圖大家望下 逗留左一陣就出發去第二個景點