児島牛仔褲街呢個景點本身我無打算去,對牛仔布真係無性趣不過check過天氣,當時児島個邊停左雨,但岡山呢邊仲會keep住落雨所以就加插返牛仔褲街去児島駅嘅列車其實全部都係去四國見到呢架南風列車......我好想係總站高松落車啊 要去牛仔褲街就要係西口出未出之前就係7-11買塊炸雞排食都係依舊咁好食 另外呢間7-11都有賣牛仔布製品,完全體現在地化 而児島駅設計都加入自己最出名嘅兩樣野瀨戶大橋同牛仔褲 去牛仔褲街就照下面幅圖白色圈圈一路行過去大概15分鐘就會到達 見到橋後都一直行,直至見到大型巴士站就右轉向前行少少 見到呢個咁大條嘅牛仔褲指示牌無錯,你已經到左啦 牛仔褲街大概有30間買牛仔褲店或者以牛仔布作爲賣點嘅店鋪吸引好多牛仔褲迷黎呢度點擊圖片放大 另外,牛仔褲街會隨處掛上牛仔褲作爲裝飾不過經歷過日曬雨淋,d牛仔褲應該都好臭 我求其行左入間大型鋪頭 BIG JOHN有牛仔外套、牛仔褲、牛仔袋等等不過價錢都好貴,一條牛仔褲講緊都成8 9000円點擊圖片放大 我係牛仔褲街逗留左唔夠一個鐘頭,真係非我杯茶然後就慢慢行返去JR站沿途見到d指示牌其實好新,好現代化 鷲羽山展望台牛仔褲街絕對唔係我去児島嘅重點重點就係“我最渴望山陽景點”第四位鷲羽山展望台日落老實講,呢一日天陰有雨,其實我都打定輸數但我都係唔甘心,當去望下海都好去要鷲羽山展望台睇日落有三種方法1. 自駕2. 鷲羽山夕陽觀光巴士3. 普通巴士 -- 下津井循環線とこはい号都有唔少人會選擇乘搭鷲羽山夕陽觀光巴士,510円逢星期五、六、日同公衆假期前夕運行,一日得一班http://www.shimoden.net/rosen/kikaku/yuukei.html雖然寫就話係鷲羽山得15分鐘但按照我search返黎資料,一般都會提早去到觀景台,然後有大概20-30分鐘睇景基本上講起去鷲羽山展望台,其實都係講緊鷲羽山第二展望台因爲要去第一展望台基本上都要靠自駕鷲羽山夕陽觀光巴士唔夠時間比大家上去第一展望台而普通巴士就係鷲羽山第二展望台落車,行山去第一展望台都要20分鐘不過我就嫌觀光巴士係展望台逗留時間太短所以我就選擇下津井循環線とこはい号可以有一個鐘頭時間逗留http://www.shimoden.net/rosen/rosen/pdf/timetable-print/kojima_shimotsui_oujigatake.pdf呢架巴士其實就係好普通當地巴士,每一個鐘頭一班去鷲羽山第二展望台單程260円係児島駅西口一出就會見到巴士站,再揾4號巴士站就可以等上車 呢架兜山路,不斷轉黎轉去本身唔搭得車嘅我,全靠身上支老人香水幫我先無嘔然後就係呢個位落車,記得上車都係呢個位 望到呢個天色其實大家都可以估到我係無可能睇到日落而我估部分知呢個景點嘅朋友都知今日天氣,所以去到呢個站個陣已經得返我一個去觀景台,有少少寂寞添要去觀景台大概行5-10分鐘通過停車場向前行 就會見到樓梯 行上去左轉,就會見到另一個停車場呢個就係觀景台啦大家唔好傻豬係第二展望台啊,觀景台先睇得清楚 今日天陰、密雲兼有雨,視綫非常朦朧基本上都好難睇得清條瀨戶大橋 就算係睇唔清,條橋依然係好壯觀,又長又一望無際 等左一陣終於亮燈啦周圍多霧,燈都打散曬點擊圖片放大 +2 如果天氣好個陣,我其實好推薦大家黎我相信絕對唔差得過睇青馬大橋周圍都黑曬啦時間都差唔多,要落返去搭車 返落去車站沿途都好黑,大家真係要開電筒而且周圍好大風又無人講真,我都怯一怯尾班巴士話17:57抵達,我17:52就係巴士站等一路等到18:05都未,見到有車我心急到厠所都唔敢去大家可以望下周圍已經黑曬,睇都睇唔到野 我已經不斷幻想自己要摸黑冒住風雨行落山第日頭條就會係“21歲獨遊港男大學生,遊日摸黑落山而失蹤”18:12正當我真係打算打電話報警個陣巴士終於出現簡直就好似耶穌降世一樣 大家可以係JR児島駅南口落車,快好多《超市搶平便當》返到岡山,即刻去食碗我每次去日本都一定要食嘅牛肉飯平時我就叫特盛,但今次就叫並盛 出名大胃王嘅我做咩食咁少啊????原因在於我轉頭要再食!準備行返去Aeon再行途中經過Tenga 哈哈,見到全部tenga貨品都7折然後你懂的......哈哈返到Aeon mall其實都已經8 9點,所以都即刻去超市掃平貨我去日本其中一個最愛嘅環節就係夜晚去超市同師奶們搶平便當 一般超市大概6點之後就會開始特價8點後好多時都已經7折,8點半/9點甚至會變半價好似呢d大大份鷄扒便當229円就已經有得買 壽司、卷物都一樣無走寳 另外連水果盆/盒都會減價,入面咩生果都有所以吸引非常多師奶虎視眈眈最後我就買左呢盒佐賀穗之香さがほのか另外一盒鷄排同一個Puff當然重點係在於好大盆嘅生果,入面有菠蘿、提子、蜜瓜同藍莓每一樣都好甜啊,不過菠蘿實在太甜,食完菠蘿再食蜜瓜係完全無感覺不過十幾蚊超多,我心滿意足!!!!!!!