8/1 岡山悠閑的一天(吉備津彥神社 -- 吉備津神社 – 肉匠松屋Lunch – Aeon Mall -- 鷲羽山展望台)本身呢一日係打算去日本三大名園之一岡山後樂園然後再去倉敷,夜晚去鷲羽山展望台但前一晚Check天氣發覺呢一日日頭會落大雨所以就臨時改行程上午未係最大雨就去有瓦遮頭嘅神社然後下午正午最大雨期間就去室内Aeon Mall行街街一行出酒店就已經好大雨個心碎到同雨一樣跌曬落地下點擊圖片放大 今日就係街食早餐啦,比自己舒服下我好中意日本連鎖店嘅早餐,份量多又唔難食本身想去松屋,但落大雨費事行,就去すき家叫左呢個有牛肉、秋葵、半熟蛋同並盛白飯餐,340円 吉備津彥神社快快手食完就去搭JR吉備綫去第一個站 備前一宮如果大家發現JR度門唔開記得禁下隔離綠色燈制Open,就會開門 唔少旅客都會係呢個站租單車,沿路參觀景點之餘,踩到去總社還車 落雨就當然唔會踩單車啦正當我打開把遮個陣......成個柄甩左出黎 究竟我係有幾次黑仔?唯有夾硬照用住先啦大家一出站行前少少就轉右一直行 見到路軌就再轉右一直行 當然都要係路軌度打下卡先 其實基本上你一轉右就已經可以見到神社大鳥居呢度已經係神社入口啦 吉備津彥神社其實係祭祀古代日本皇族王子吉備津彥命雖然好多人都唔知邊個係吉備津彥命,但相信就好多人聽過“桃太郎”傳説中,桃太郎其實就係吉備津彥命進入大鳥居後會係一條參拜通道 兩側都有池塘,更有神社 今日落雨,人都好少連手水舍都唔洗揾位攝 大家經過奧社的話就入鄉隨俗拜下啦順便保佑下旅程順利 呢株杉樹好犀利,係平安杉呢株樹樹齡已經千年以上,係吉備津彥神社嘅象徵 望完奧社希望開枝散葉嘅朋友、懷有身孕嘅女士同祝福身邊懷孕者嘅各位就一定要去隔離子安神社子安神社係一個非常著名嘅求兒女同祈求安胎嘅神社點擊圖片放大 吉備津神社吉備津神社傳説係桃太郎原型嘅神社而其中心建築更加被指定為國寶每年3-6月都吸引好多旅客特意前往賞花不過呢個神社最吸引我嘅都唔係以上個d反而係全場360公尺嘅大迴廊!呢條迴廊係我最大原因特意黎呢邊要去吉備津神社就要係吉備津落車 一落車轉左手邊一直行 直至你見到你到呢個位就轉右 就會係表參道 只要一直一直一直向前行就會見到水手舍 隔離就會係神社入口 簡單影下個神社比大家望下 重點在於呢條大迴廊!開始入去啦 條迴廊好似一望無盡而且都係用木樁同木柱建成,具有濃厚傳統風味同千本鳥居又有唔同嘅感覺 迴廊係先斜後直斜嘅部分都唔算好斜,但老人家都要小心d 離遠望呢條迴廊就好似中式庭院個d走廊春夏天個陣周圍都會長滿櫻花、牡丹花同紫陽花 返到吉備津站,時間掌握得非常好映入眼簾就已經係一架JR列車,仲要係桃太郎爲主題嘅列車 岡山地下街返到岡山,天仍然落雨所以我就行下地下街JR東口一出,隔離就已經有扶手電梯落去地下街 岡山地下街發展都好蓬勃周圍都四通八達,近至商店街,遠至Aeon Mall都可以通到 而且鋪頭林立,唔會冷清,並以女性服裝爲主,配以咖啡室同小食店 始終係女人野,兜左個圈就走上去路面藥妝店幫朋友買樣野結果行黎行去,岡山站附近最平嘅藥妝店都係商店街嘅呢一間 買完就再次通過地下街走到去Aeon Mall啦