抵達岡山真正同廣島講再見後,就向岡山出發唔洗一個鐘已經到岡山 即刻走去check-in先我今次就住兩晚APA岡山駅東口,淡季都係2百幾一晚距離岡山駅大概7分鐘路程,離岡山市新地標Aeon Mall更加只係1-2分鐘同其他APA酒店一樣,都係麻雀雖小但五臟俱全 擺低完行李就即刻出發去Aeon Mall啦而詳細Aeon Mall介紹我留返之後再講因爲第二日行程我有一半時間都係Aeon Mall進行今日好緊張啊,因爲我約左一位都係連登認識嘅新朋友仲要係上次四國油雞認識嘅同校學生haha如果你見到呢度,又唔介意比人知的話就同大家say個hi啦我早到左少少,所以去supermarket買左幾粒士多啤梨同一樽大水大家去岡山記得要食多d生果因爲岡山有名叫生果王國,出產嘅生果都係非常高質量尤其以夏天出產嘅桃同提子最爲把炮!不過可惜冬天就無呢d..... しゃぶしゃぶ美山(美山Shabu Shabu)同新朋友會合左之後就直接上aeon mall 6-7樓覓食尋尋覓覓後,我地就選定左打邊爐,姐係日本叫Shabu shabu餐廳叫しゃぶしゃぶ美山 自己係等位紙上面寫低幾多位同姓咩,等叫名就入得價錢方面多數人都係叫豚肉餐(1790円)同豚肉+牛肉餐(1990円)模式同牛陣個d一樣,都係肉係任refill不過飲品就要另加錢,好似250円而且限時70分鐘,所以都好爭分奪秒湯底方面係鴛鴦鍋其中一邊一定要係昆布湯,而另一邊就自選可以自選泡菜湯、番茄湯、壽喜燒等等我地就要左壽喜燒 每人會比一隻生鷄蛋,湯底都好快送到我地都把握時間出去攞野食食物選擇其實都真係少,比起香港個d日式火鍋店少好多但基本嘅豆腐、金菇、秀珍菇、烏冬同菜等都有亦都有白飯任你食 而飲品選擇就多啦上至熱飲下至凍飲,上至有汽下至清新都一應具選另外都有牛奶雪糕 不過最重要主角當然係肉啦!我就自問食肉獸,咩肉都中意我地就要左豚肉+牛肉牛肉有光澤,呈粉紅色而且油脂分佈平均,唔會過肥過瘦咬落去牛味道好出,無需要任何調味料已經好正 豚肉都一樣,肥瘦適中而且肉質幼嫩唯一缺點係薄過張紙......夾個陣都好容易爛 而另外其他食材就正正常常啦 Overall黎講,如果你係食肉獸就應該要黎下但如果唔係,就無乜必要黎啦Aeon Mall仲有大把野食しゃぶしゃぶ美山營業時間: 11:00 – 23:00https://goo.gl/maps/buMYK7YTJuL2 其實都食到10點幾,之後都各自返酒店訓無任何腐女們想像嘅Hehe情節臨訓前食埋係超市買嘅士多啤梨係最受港人歡迎黎自福岡嘅甜王あまおう (日文漢字叫甘王) 真係好甜啊!!!!!而且每粒都好飽滿,又紅潤不過好在買盒細,因爲臨訓前其實仲好飽......