秋芳洞 & 秋吉台離開下關站下一個目的地就係位於山口縣著名景點秋芳洞 & 秋吉台秋吉台係日本最大喀斯特地形嘅高原而秋芳洞則被譽爲東洋第一大鐘乳洞,日本唯一世界級鐘乳石洞秋芳洞其實就係秋吉台地底下約100m,全長1km要去呢兩個景點,除左自駕就一定要搭巴士去去秋芳洞嘅巴士班次雖然唔密,但勝在多選擇無論係新山口駅、東萩駅、山口駅定下關站其實都有巴士可以直接去不過營運嘅巴士公司就有所不同https://karusuto.com/access/(各巴士時間表)先前都講過山陽地區JR Pass可以使用指定範圍内嘅JR巴士而只有由山口駅出發去秋芳洞嘅巴士係屬JR公司,其他站嘅巴士都係屬於其他公司所以精打細算嘅我當然係搭JR前往山口駅轉我無需要付費嘅巴士啦反正從下關直接搭巴士過去都要成兩個鐘多少少不過如果你手持Yamaguchi Bus Pass,就可以搭以上任何巴士都無問題1day pass 2000円, 2day pass 4000円, 3day pass 5000円係山口駅一出轉左已經會見到去秋芳洞巴士站 JR 12:48抵達,而巴士就12:50係山口駅開出接駁非常好小弟好似包車,完全無人搭...... 搭車見到今日山口縣有成人禮好多人都著到靚一靚出席點擊圖片放大 車程需時一小時我就訓一陣,反正都係總站落車落車位置係呢度而上車位置其實都係呢度 向大馬路方向行過去就會見到有指示牌 經過完一條有好多賣手工藝品嘅所謂商店街就會見到入口點擊圖片放大 首先要去售票處買飛,一個人入場費係1200円不過只要你持有非日本護照就可以以優惠價700円買到飛所以大家記得要帶定護照 一張飛就可以行曬秋芳洞同秋吉台而本身秋吉台係免費,不過就係山上面唔少人都會透過秋芳洞入面升降機前往秋吉台秋芳洞其實就係秋吉台地底下約100m秋芳洞一入場就會覺得自己置身係比較偏僻嘅郊野公園(人地的確係深山裏面) 環境清幽,小橋流水 我尤其最愛呢個位置點擊圖片放大 用一條木橋連接住出面大自然同鐘乳洞感覺好似有條道路帶領住走進一個幽閉嘅地帶特別有種新奇嘅感覺 一入到秋芳洞行前少少就會見到秋芳洞冒険コース呢個冒險活動 其實就係比3百円去爬下d鐘乳石而且有曬扶手、圍欄,都非常安全我之前上網睇過話有頭盔同電筒,不過現場所見大家頭同手上面都無呢d裝備另外錢都係入落個透明膠箱,賤d其實可以免費去玩不過我説好話 做好事 存好心,唔會做呢d行爲我對鐘乳石認識淺薄,唯有用圖片作導航啦其實下面有水部分係叫“長淵”不過而家水都乾涸曬,變左長沼澤 呢個叫做百枚皿,係含有豐富石灰質地下水層曡積成嘅地質現象係秋芳洞最具代表性景觀通常Poster同明信片都會用呢個景觀點擊圖片放大 一路繼續向前行就會見到呢座“洞内富士”外形酷似富士山,頂部高聳入雲香港獅子山係因似獅子而命名,其實呢個大可以叫做富士岩 倒插係頂上嘅鐘乳石聚集一齊講真,其實都幾得人驚好似個d妖魔鬼怪嘅雕刻 見到千町田,其實同百枚皿原理相約 縮緬岩 有幾級樓梯要行 見到呢個指示牌左邊係繼續行秋芳洞,右邊就係答升降機上山去秋吉台我就先行左邊啦 見到有黃金柱不過無黃金 一路行入去其實都係各式各樣嘅鐘乳石其他照片:點擊圖片放大 秋吉台其實係秋芳洞盡頭都有出口行山路上秋吉台不過我真係懶鬼一個,就折返去搭升降機啦其實個升降機位都幾恐怖超似荒廢左嘅Lobby或者月台搞到我諗左陣好唔好搭升降機 一出升降機就係呢個位 轉左向住指示牌指住嘅方向一路行上去就可以去到秋吉台 終於都行到上黎啦個環境真係好廣闊又壯觀有深綠色草坪,又有金黃色芒草草坪 再繼續沿路行就會見到個展望台 隔離就有間coffee shop,就算唔消費都可以入去坐下 眼望面前呢大塊荒蕪草原雖然好多植物都處於枯萎狀態,但就形成金黃色嘅景象金黃色絕對攝住大家視綫,震撼度絕對唔會低得過綠油油草地點擊圖片放大 而大家見到嘅石頭其實係石灰岩係三億年前海中珊瑚形成嘅化石 用兩腿慢慢向金黃色地帶出發路面雖有唔少石粒,但總算平坦易行而且四周長滿芒草,不過就無大東山靚,但人流亦少好多萬倍 離奇地金黃色地坪上出現一株綠樹係咪睇緊獅子王 如果有時間,大家不妨周圍行下,當行山都好而春夏天黎,其實成個草坪都係綠油油,又係另一番景象其他照片:點擊圖片放大 我自己係呢兩個景點逗留左2個鐘頭左右如果可以比多1個鐘頭我就好啦不過小弟呢一晚約左人食飯,無辦法啦就沿頭先路綫去返巴士站,啓程返回山口市