7/1 山口兩寳 – 唐戶市場 & 秋芳洞秋吉台(唐戶市場 — 秋芳洞 — 秋吉台 — 山口免費足浴 — 抵達岡山)今日要離開廣島啦,係真正嘅離開由於住Airbnb無得寄存行李我唯有將行李寄存係廣島站coin locker廣島站都好多coin locker而且特大 大 中 細都有點擊圖片放大 寄存完就去搭新幹綫,前往下關早餐都唔食,刻意留肚! 山陽魚市場 - 唐戶市場唐戶市場係山陽地區一個大規模魚市場位置其實都好臨近北九州地區,所以吸引好多去福岡玩嘅朋友要去唐戶市場就要搭JR去到下關轉巴士或者有部分人都會去到門司港購買關門海峽四葉草券搭船直接前往唐戶市場不過山陽地區嘅JR Pass係無包任何九州地區當地JR列車所以我都係去下關轉巴士去到下關站,記得要係東口出 然後1/2/3/4號巴士站嘅所有巴士都會經過唐戶市場 但我繼續向前行,行到去交通案内所 比左360円買左一個來回唐戶市場巴士卷呢張卷包左來回下關同唐戶市場比起單程220円,總數平左80円,都好過無啦一落車向前望已經會見到唐戶市場步行距離都係5分鐘 轉眼就會見到唐戶市場呢四隻字係你眼前 直接行入去,已經會見到有唔少鋪頭係度賣壽司 一轉彎就已經係大名鼎鼎嘅馬關街 平日嘅唐戶市場其實無乜人會去但一到星期五六日同公衆假期,唐戶市場就會人頭涌涌因爲以上呢d日子,唐戶市場其中一節就會搖身一變成爲馬關街超多賣壽司、魚生飯、刺身同炸物嘅鋪頭(Fri/Sat:1000-1500 ; Sun/Public Holiday:0800-1500) 在場有8成檔口都係賣壽司不過間間價錢都有少少出入深受香港人喜愛嘅三文魚腩壽司幾乎所有都係賣100-200円一舊好似海膽壽司平均就300円點擊圖片放大 仲有各式各樣嘅丼飯好似魚生飯、海膽飯等等,價錢都好經濟實惠而且分量毫不吝嗇 當然唔少得後生仔最愛炸物 另外,唐戶市場最有名氣就係河豚係呢度食河豚刺身係出曬名安全,大家可以放心 不過我就無食啦,就算細份嘅河豚刺身都成1X塊我一個人實在無福消受我就係其中一間買左幾件壽司同一碗河豚麵豉湯(400円)然後攞出去海邊食,好多人都會咁做所以我誠意推介大家望住個海食 不過怕凍嘅朋友都可以留返係唐戶市場入面食,同樣都有好多位置我買左一件超長星鰻壽司(300円)、三文魚腩(100円)、吞拿魚壽司(100円)、玉子壽司(100円)、三文魚子(200円)、同兩件海膽壽司(一件200円) 三文魚腩同吞拿魚絕對比起香港個d甚麽板X好好多油脂分佈好好,咬落去唔會太硬玉子就正常啦三文魚子無腥味,反而開頭會有鹹味,之後有少少甜味,非常新鮮反而海膽其實幾失望,腥味未擺入口都已經聞到,而且顔色都好暗淡我有問過日本朋友,話唐戶市場海膽一向都非常一般 我再買左串玉子蛋食,甜甜地真係好好食啊 我周圍揾有無單賣生蠔食,但都唔覺有得呢d一兜兜賣Sosad 唯有再食多round啦呢次就係另一間買三文魚腩都一樣好肥美,三文魚子一樣好鮮甜反而個松葉蟹肉壽司就奇怪d,同飯一樣都係比較乾身,兩樣都乾身真係好難擺入口 另外唐戶市場都有好多乾貨同明太子賣各位師奶都可以係度買少少手信啦 食完個早餐就行出去海邊睇下一邊望住連接西日本地區同九州地區嘅關門橋,一邊食野,又一邊吹下海風真係好賞心悅目又寫意點擊圖片放大 唔知大家見唔見到圖中遠處山頂有個白色建築呢 其實個度叫左火之山公園最出名就係可以係山下搭纜車上上頂飽覽成個下關港同關門橋無論日頭定夜晚都會吸引到人上去不過可惜纜車就只有係3月下旬~11月下旬運行而我一月去就只能夠行上山,所以我放棄左唐戶市場河豚真係好出名出名到連d雕塑同藝術建築都出現河豚 如果閑日黎,無馬關街但又想食河豚要點算啊其實唐戶市場二樓同隔離商場都有唔少鋪頭係賣河豚不過無論點都最好係禮拜五六日及公衆假期黎啦 走個陣返去上車地方下圖呢個位同埋天橋對面其實都有返下關站嘅巴士邊一邊有車就去邊個站啦 再見啦 唐戶市場