Vanda Hotel最後一晚我地住既酒店就係Vanda Hotel係龍橋隔離既四星級酒店 其實本身係想揀sanouva danang hotel,貪有30分鐘免費Spa但後來無房就退而求其次但Vanda Hotel真係好正! 大堂唔算好大,但勝在企理乾淨 之後就會奉上一杯welcome drink同濕毛巾其實就係一杯類似紅棗水既茶然後就上房啦我地住最普通等級既房 大概450左右一入房就已經覺得好乾淨,唔失禮 拉開窗簾瞬間變光鮮 其實本身今日行程係去大教堂同Han Market,然後再去海邊食海鮮但因爲電話卡收左皮,我心有不甘所以特登走去電訊商要個解釋同賠償!好在我地酒店附近就已經有個電訊商總部殺到埋去,講完我個狀況個服務員就不斷同内部人員用手提電話溝通結果擾攘左我半個鐘,我又好斯文變到開始聲大夾惡途中個服務員任由我同内部人員用佢自己電話傾,然後自己就招呼另一d客人搞左好耐結果check到話係system無啦啦cut左我張卡,而且係無理地我反問對方點補償比我然後内部人員居然叫我寫complaint letter交待事情,然後2個工作天之後就可以申請退款但我兩個工作天之後都已經身在香港,退乜鳩款間電訊商圖 而我當時身邊既朋友繼續發揮大少爺本色,冷眼旁觀,之後仲叫我走但我嬲既其實係點可以無啦啦cut人張卡,而且check到係自己system出事都好意思唔即時處理Sorry, 越南d工作節奏我真係無辦法理解,可能係被香港模式潛移默化左我再用流利英文重申多次我立場最後得到既答覆都係要我自己去番機場退錢朋友不斷叫我"算啦,放棄啦"唉,諗住有得退錢就算,所以就走左點知行左一陣,朋友居然同我講"你唔記得左我地係出海關前買卡咩,所以我地根本無可能退到錢"我個刻簡直眼火爆,既然你記得點解唔出聲以上就係一段我同朋友既小插曲因爲電話卡搞左好耐,所以開始活動已經係4點幾5點所以我地都幾時改變行程,去Big C買手信由電訊商行過去Big C都係十分鐘所以就慢行過去就算沿途其實都見到峴港人主要以電單車代步路面超多電單車 峴港有兩個比較出名Market,一個係好多人去既Han Market而另一個就係相對比較冷門既Con MarketCon Market其實係位於Big C斜對面Con Market相對Han Market local人會更多而且熟食選擇都比較多但壞處就係個邊治安比較差,旅客要小心 但我地無入去,因爲5點Con Market已經開始收檔我地直接行入Big C Big C係東南亞地區一間好多分店既大型超級市場而且價格合理,貨品種類又多所以好多人去泰國、越南都會去Big C掃貨,就算係當地人都會而且個度有樣我第一次見既玩意,真係好貼心就係呢個可以用手推既購物籃啦好方便又貼心,適合d唔係買好多野既人 係越南唔買返幾十包麵點對得住自己 左手邊大包d既係有肉,而右手邊細包既係無肉左手邊印象中好似要VND11K一包而無肉就係VND4800一包我個人就覺得大家買無肉既就可以因爲入面河粉係一樣大細肉質十分普通,差過平時滿漢大餐好多而且細包因爲無肉,所以會有一包油脂,特別香! 而且東南亞真係特別多公仔麵真係花多眼亂 我都買左唔少手信,e.g.即沖咖啡包啦越南咖啡本身好出名,係世界第二咖啡豆出產國不過三合一個d咖啡真係比較甜我買既係Vinacafe,算係比較common牌子本身想買G7,但醒起香港都有得賣咖啡一盒18包大概係VND40K-45K左右其實係好平! 而另外我都買左盒腰果,越南腰果都係十分出名但價錢就唔平,要VND90K平時係價真盞買美國腰果一大樽都係5 60蚊本身想買榴蓮食,但d榴蓮太熟完全無興趣,而且價錢都ok貴結果埋單15包Pho、兩盒咖啡、一盒腰果同少少飲品Total VND220K呢個價我係日本分分鐘都買唔到一盒手信