秘魯美食 - 2019年世界十大餐廳 Maido呢日中午預訂咗秘魯一間好出名嘅餐廳 - Maido2pm食lunch,預返時間搭BRT去返Miraflores,再慢慢行過去Maido都真係幾把炮㗎係同米芝蓮分庭伉儷嘅 The World's 50 Best Restaurants排行榜中連續三年排名頭十位、南美第二位 2017年 (第8名) , 2018年 (第7名) , 2019年 (第10名) 我提早兩個禮拜喺官網Book枱都只係淨返Lunch Period啲頭頭尾尾時間順便問咗唔需要咩特定嘅dress codeMaido嘅老闆係日本人 所以喺佢嘅菜式會融合咗日式同秘魯嘅烹調手法我提早咗五分鐘到 一到樓上見到在座嘅人衣著都係官仔骨骨...最輕都已經係smart casual搞到我棉褲 + Tee + Zip-up Hoodie 好似好失禮咁 係Maido食飯有兩種叫餸方法散叫套餐 - Nikkei Experience (S/. 525)要係book枱嗰陣時揀埋要邊個叫餸方法 同 坐sushi bar定正常枱唔少人係叫Nikkei Experience - tasting menu,有11道菜不過S/.525對我嚟講真係太貴啦而且由上菜到完結,如果慢慢食係多過兩個鐘... 我冇咁多時間呀我事前有用email問過佢攞散嗌餐牌望一望如果大家有興趣可以click下面嗰條link,不過就冇價錢嘅前菜:S/.30-60 壽司:S/.28-50 (兩件) 主菜:S/.75-125 甜品:S/.35-60https://drive.google.com/file/d/0B_6TJ-fY0hkjcndUOWtqVlhnRHlackZ0TUVoaGFWaVdZRUlR/view?usp=sharing我覺得坐喺Sushi Bar都係一個唔錯嘅體會 可以直接望住師傅製作壽司......雖然喺日本都見得多 店員首先遞上一本餐飲Menu畀我 不過我唔飲酒,所以叫咗果汁茶 1. Mango Friend (S/.10)事實上係一杯十分淡、冇乜味嘅芒果茶 然後再送上一份小食,係免費㗎不過免費都唔代表唔好食㗎呢個小食份量真係好細,2-3啖就可以食曬上面係烤過嘅章魚 - 新鮮、脆口下面就放咗啲炸碎同薯蓉,薯蓉非常綿滑口感爽、脆、綿都齊曬,少量嘅鹽花亦令個調味恰到好處 2. Rocoto Relleno (S/.39)炸薯仔牛肉波驟眼望落會以為係炸蘋果,但內有乾坤㗎首先從擺盤上面已經好有特色,用一個石頭器皿裝住,非常特別呢粒炸薯仔牛肉波主要材料有洋葱、薯蓉、安格斯牛肉整成入面嘅牛肉調味上用咗日式嘅調味料:豉油、清酒、味霖炸球出面佈滿芝士溶,超級邪惡整體炸得非常鬆脆,裏面嘅牛肉亦都有醬汁,唔會好乾 所以擺盤係好重要 如果佢冇曬呢啲擺設,得返個炸球,就會即刻cheap咗好多3. Salmon And Chilli (S/.28)三文魚腩壽司配黃色胡椒醬雖然明知食完呢餐48小時後就會去日本食壽司,但都係忍唔住老實講,不論從口感定味道,呢碟壽司都普通首先三文魚腩油脂唔夠多,咬落都夠淋但就唔夠肥美上面嘅黃胡椒醬少少辣,有啲似平時蘸燒肉嗰啲芥末醬呢碟壽司完全比唔到驚喜我,質素亦都係普通,日本有啲貴價小小嘅迴轉壽司質素仲高過佢 4. Scallops With Sea Urchin (S/.31) 扇貝壽司配炙燒海膽醬都係一樣問題,食落畀唔到驚喜我,質素唔夠高無論扇貝定海膽甜味都唔夠,係口感搭救壽司飯醋嘅比例都唔夠多,但手握得都幾實,手上功夫都ok 我唔會推薦各位香港人喺Maido叫壽司食價錢十分貴,呢個價錢夠你去千兩食兩碟啦質素唔突出,就魚生方面連我喺日本食過嘅迴轉壽司舖函太郎、根室花丸都不如5. Cod Misoyaki (S/.89) 銀鱈魚西京燒所謂西京燒就係白味噌燒烤料理,係日本料理中非常常見嘅烹飪手法,多數用係燒魚上呢碟銀鱈魚搽咗少少白味噌去煎,上面撒上堅果脆片,再配上一兜當地薯仔整嘅醬 我超推薦呢碟野比大家魚肉超級嫩滑,面頭烤到金黃色塗上嘅白味噌醬唔會好多,輕輕一層,balance得好好上面嘅堅果好脆,而且帶有少少甜味,中和返白味噌嘅鹹味薯仔醬就普通啲,我覺得唔需要個薯仔醬淨係食舊魚都已經好正不過薯仔醬都好creamy,而且好香薯仔味、奶味 另外呢一個烤魚,係Tasting Menu都有得食,證明呢碟菜有份量啦有啲人話不打不相識 我就話美食能匯聚一眾志同道合嘅朋友咁啱有兩位分別來自美國同智利嘅女士都坐咗喺Sushi Bar品嚐美食而我哋就因為碟魚而產生咗共通話題用我簡陋嘅英文同佢哋傾咗成個幾鐘,分享下成個旅程食咗啲乜嘢好嘢、玩咗啲乜 傾下傾下就已經四點幾 雖然仲有好多嘢大家都想傾,但我仲有其他嘢要做,真係迫於無奈要告辭總括而言,我覺得食物質素係高嘅,而且有咁嘅名氣就梗係要試下啦不過價錢上我就覺得偏貴,加上餐廳個環境又真係未去到好高級嘅地步如果budget有限就可以散嗌,叫1個前菜、1-2個主菜、甜品/野飲,都係S/.250樓下我眼見Tasting Menu啲份量其實好細,我覺得成年男人應該唔夠飽 另外Lima其實仲有兩間餐廳係打入過最佳50間餐廳排行榜Central , Astrid y GastónCentral仲把炮, 每一年個排名都力壓Maido,而且都係米芝蓮一星餐廳而Astrid y Gastón雖然排名同Central、Maido兩間有一定差距,但都連續幾年排名全球頭50位我勁想食Central...但我出發前頭一個月book都book唔到 所以大家要試就真係要提早好多book位呀但今餐都好滿足,尤其個魚真係超難忘