Metropolitano (Lima BRT 捷運)Lima交通擠塞情況非常嚴重無論大街定小路,繁忙時間都一定會見到塞車秘魯政府好早以前都銳意改善交通,係1990年已經興建好第一條市内鐵路但由於種種問題,結果鐵路居然係2011年先通車而且鐵路對旅客基本上係useless,完全唔經景點雖説秘魯政府已經計劃興建多幾鐵路,但預料都已經係幾年後嘅事呢一刻我地可以忽視呢個鐵路啦取而代之係另一個捷運系統 - BRT即係有專用車路嘅巴士,唔洗同其他車逼 Lima嘅BRT - Metropolitano 就好似日本鐵路咁咩類別嘅車都有有站站停嘅、飛少少站、淨停大站、淨係行駛個別路段 ……所以大家搭之前要知道自己:乘車站 / 落車站 / 搭邊條線 / 點樣搭車要解決頭三點,最緊要梗係google map同捷運路綫圖 至於點樣搭車,其實都好簡單只不過麻煩嘅地方係Lima BRT唔支援現金入閘 / 現金買單程飛一定要事前買佢張“八達通” (S/.4.5) 大家可以選擇去Counter買卡,或者自己經由以下呢部機買卡都得部機唔難用嘅,雖然淨係得西班牙文......首先認住有螢光幕嗰部係用嚟操作、輸入指示有得入銀仔嗰部係處理錢同埋出新卡 當你想買張卡1. 撳螢光幕顯示Nueva Tarjeta隔離嗰粒掣2. 入錢3. 下面鐵兜個位就會跌張卡落嚟提一提買卡set死咗一定要最少入五蚊落部機扣除張卡S/.4.5,就淨返S/.0.5 可以搭車所以,呢個時候就要教埋大家 點樣增值1. 撳螢光幕顯示Recarga隔離嗰粒掣就係增值2. 將張卡擺喺螢光幕下面(紅色尖嘴指住)可以攝住張卡嘅地方3. 入錢4. 喺螢光幕度確定增值金額5. 揀 “Imprimir Recibo”(列印單據) / “Finalizar” (完成 無單據)6. 當螢光幕顯示Nueva Saldo (張卡新餘額) 就可以拎返走張卡至於入閘就拎張卡嘟下咪得囉無論咩車、搭幾遠,每程都係S/2.5我個人係十分推薦大家用呢個交通工具Lima搭的士都唔平,Miraflores去舊城區(唐人街/武器廣場)通常都要 S/.15-20而且仲成日塞車入閘之後記得要望清楚自己去邊一個月台上車 朝早同夜晚都好多人搭,不過好在班次都多 不過留意 張“八達通”係無得退錢架所以大家要硬食個S/4.5啦我自己手上面有一張“八達通”如果想借都無問題,可以揾我但就真係唔好整唔見啊,始終自己都想留為紀念