前往IcaIca係好多Lima嘅人都會路經嘅一個城市Arequipa冇飛機去,就唯有係搭巴士咁我都仍然係搭Cruz De Sur 但臨上車前要記得搵個counter畀稅先S/.1.5 Cruz De Sur可以畀乘客提早入閘然後喺佢哋畀乘客專用嘅area休息下 呢幾次搭巴士都好好運,隔離都係冇人 但唔好運嘅係我到最後仍然都係瞓唔到接近12個鐘嘅車程對眼幾乎冇合埋過到我落車嗰陣又係完全行屍走肉咁Ica & Huacachina5月尾嘅Ica天氣都好熱著住tee嘅我都有準備流汗嘅感覺 行到去Main square嗰頭諗住搵下有咩食但可能真係太攰完全唔想食嘢最後就周圍行下睇下個環境 Ica始終唔係一個主要城市感覺治安會差少少 好多人黎Ica目的都係得一個就係去沙漠綠洲 Huacachina有啲人會係Main Square附近嘅旅行社報團,包來回交通同Huacachina活動都有人會好似我咁自己去Huacachina,喺當地再報啲活動玩的士單程去Huacachina大概 S/.10,篤篤印象中平ddHuacachina d 活動團 2小時~S/.30,1小時~S/.20-25兩個都包滑沙同坐吉普車係沙上馳騁另外最好就係下午3:30-4點先開始玩,就可以較好時間係沙丘上睇日落我諗住晏少少先嚟報名,所以都周圍行一陣先環境好優美、休閒 不過今日太陽超級曬,又夠毒冇瞓過嘅我開始覺得有啲辛苦 呢個畀沙丘包住嘅湖真係好靚今次我第一次睇呢啲沙漠綠洲,淨係覺得好神奇 嘗試慢慢行上沙丘真係舉步維艱、一步一辛苦,完全明白咩叫泥足深陷不能自拔 喺烈日當空嘅情況下我用咗45分鐘都未行到 ⅓我已經係攰到坐咗喺啲沙上面 我攰到坐坐下合埋咗隻眼到我盡力擘開對眼時候已經知自己狀態唔得所以都做咗一個幾後悔嘅決定,就係離開呢度同早d前往Lima成個旅程令我最惋惜嘅就係呢一度我滿心期待可以喺沙丘上面翱翔天際,由沙丘頂滑落嚟享受自由奔放嘅味道亦都曾經幻想過企喺沙丘上面望住個鹹蛋黃慢慢垂落 但就因為自己慳少少錢搭過夜巴士而一切美夢落空所以大家真係要量力而為知道自己搭過夜巴士係瞓唔到嘅,就盡量選擇其他交通工具啦Even即日來回Lima - Ica其實都並非唔可取我已經mark低咗我下次再嚟南美個陣一定會再黎!!!!!我要喺沙丘上面翱翔天際,由頂滑落嚟享受自由奔放嘅味道、望住個鹹蛋黃慢慢垂落 返到Ica嘅Cruz Del Sur巴士站重新買過一張飛 成S/.36而且本身已經買左嘅6:30pm巴士飛係特價,所以冇得退 搭搭下巴士嘅時候......我收到一封Cruz Del Sur嘅email原來我本身搭嘅嗰一班車因爲營運問題取消左,所以巴士公司會退返錢畀我師奶仔嘅我喺架車上完全忍唔住不斷係咁笑,好似傻仔咁笑笑下就攰到訓著中途醒過一次,望住個海同慢慢垂落嘅鹹蛋黃咁樣去睇日落其實都幾好呀