つけ麺まぜそば ショウザン 返到三島,正式check完in就去覓食我就揀左間食麵嘅鋪頭 -- つけ麺まぜそば ショウザン 入到去其實都係一般拉麵店格局一個Bar台9張凳 同埋自己買飛 比個清晰版menu你地望下有拉麵、沾麵、炒飯set等等 追開我遊記都知我係超級中意食沾麵(我今次番到東京又有沾麵推介!)但我居然無叫沾麵因爲我見到有一款汁無し,感覺上應該係類似無湯拌拉麵所以我即刻叫左個試下(880円)另外呢度好多配菜任你食有辣芽菜、泡菜、生蛋同白飯等 話咁快就有麵食果然係拌拉麵,而且仲好多料有肉粒、玉子、蔥花、筍同炸蒜而底部就係經炮製過嘅濃郁香油 即刻撈一撈等麵條同香油撈混而且麵條係粗身,屬於中太麵,我極度喜愛 味道上真係好正香油充足,令到每條麵都可以沾滿香油而且最緊要少少咸但又好香另外配料都好好,肉嫩而肥瘦適中 最後有淨少少汁,加碗白飯落去再撈香油撈飯簡直令人回味無窮 つけ麺まぜそば ショウザンhttps://goo.gl/maps/ZCcnbVstkUA2其實我本身係想食呢間ビストロ大木係一間家庭式小店,感覺好有feel但明明話8點先閂門,我7點3去到已經熄曬燈 同埋雨天下的三島 另外比大家望下我呢晚住嘅酒店Hotel Select Inn Mishima我係agoda訂,230蚊晚 超平當然一分錢一分貨,係普通2星商務酒店但都乾淨企理,而且早餐好得 另外比大家望下我呢一晚宵夜,真係不得了就係靜岡青肉蜜瓜 OMG!!! 呢半個蜜瓜仲貴過我頭先餐香油撈拉麵成1500円半個,仲要已經唔係最高級個隻我覺得自己真係好破費,一個人食埋呢d高級野果肉最甜個部分呈現金黃色至碧綠色,好似發光咁另外咬落去,以爲自己飲緊好甜嘅果汁,甜度好驚人而且果肉好軟淋,又甜又淋到我可以食到最邊個位我平時係香港食開cheap野,第一次食呢d真係無辦法返轉頭,點算?????