粟生光明寺今日第一個景點就係位於京都長岡京市嘅粟生光明寺(以下簡稱光明寺)相信唔少人都會對呢個寺比較陌生因爲一黎唔特別近京都市中心,二黎本身名氣都比好多京都寺廟細好多但每逢紅葉季節,呢度就化身熱鬧地方,吸引好多人去睇紅葉架不過當然,呢度人流點都少過嵐山/京都市中心,所以好值得黎加上佢有個打卡位係當年Sony拍廣告嘅場景,我都係被果個場景吸引左要去光明寺可以搭JR去到長岡京 或者 搭阪急電鐵去到長岡天神站兩者落左車之後都需要轉巴士去紅葉季節每15分鐘一班巴士車,但真係好多人。如果大家好似我搭阪急電鐵去長岡天神站一落列車上閘口就已經會見到指示牌 沿扶手電梯一落就可以向前行行到盡頭係T字路口 然後就左轉,一直向前行,就會見到巴士站係個度安心等候巴士 紅葉季節一定會有巴士公司人員係個站指示d人排隊而且由於巴士係由JR站駛過黎,所以架巴士本身已經好多人可能大家都要有心理準備要等第二架事關我排個條龍,有一半人都要等第二架而非紅葉季節黎嘅朋友係巴士站等20/22號巴士就ok, 30分鐘一班車紅葉季節因爲加開特別班次,所以會變15分鐘一班 入寺前第一件事就當然係買飛啦光明寺係紅葉季節收費係500Yen 然後我就攞住張飛昂然踏入光明寺 基本上光明寺行走路綫如下紅色綫係圍繞一圈走法而藍色圈住就係最靚部分 踏入光明寺就已經見到小弟期待嘅紅葉一路向上行嘅樓梯兩旁長滿大樹小樹 ,而部分樹上嘅葉已經變紅、變橙完全令人唔想加快腳步 一級一步都感覺有種恬靜閑息之氣而岩岩比白雲遮擋嘅太陽都好合時地走返出黎 睇下,大家都好似跟住我尾咁HAHA 行完條樓梯,嘩……好多樹都好似著左紅底底咁紅粉霏霏 好多少女都爭先同紅底底們拍照留念而我……就on99用自拍棍幫自己同紅葉留下倩影點擊圖片放大 之後我就跟住條路慢慢行下d堂記得要除鞋啊……好L凍點擊圖片放大 +2 捱住腳板底凍行左一陣,終於可以著鞋前往打卡位途中會有d攤檔俾你減輕下荷包重量有茶、零食等,仲有得試飲試食 而我就係呢一關就擺低左110Yen買左串醬燒丸子 我係超中意食呢d糯米、煙煙靭靭野不過今次呢串完全唔夠熱……我high唔起啊而且表皮無稍微嘅燒焦,搞到我即刻嘟起個嘴不過野食唔係重點,重點當然係最受歡迎個條觀賞紅葉嘅表參道啦見到條表參道,我即刻嘩左一聲真係好靚,全條路都見到好多紅葉、橙葉、黃葉等 因爲每棵樹見頃、變紅嘅情況都不一所以每行一步嘅景象都會唔同好似一開始行就會見到各色各樣樹葉交織一齊,好色彩繽紛 行入少少又會見到艷麗嘅紅色同青春怡人嘅粉紅色同橙色恍惚係一堆成熟有韻味嘅姐姐同緊一班含羞答答嘅少女係兩旁爭妍鬥麗 不過由於我去個日光明寺先岩岩開始見頃有好多樹葉都未變色所以去到最受歡迎個位個陣,兩旁d樹葉都仲係以碧綠、橙色同埋受陽光照耀嘅金黃色爲主而且表參道兩旁都未有佈滿掉落嘅紅葉點擊圖片放大 回望返轉頭,又係另一番景象 跨過度門之後,仍然都係滿天葉海擧頭三尺有紅葉! 而我就係被紅葉、黃葉同綠葉擁抱下完成左條表參道 或者呢度名氣無嵐山個邊個d咁大或者呢度交通比較唔方便或者呢度小弟介紹得唔夠好但小弟係真心推薦大家黎呢度!一黎人流相對d旺場較少二黎呢度周圍都係你眼睛嘅打卡位而我有個小建議係好多人會上網望定d見頃日子而呢度光明寺條表參道最靚其實係地下兩旁佈滿紅葉、黃葉嘅景象所以大家不妨推遲少少黎呢度例如23/11見頃,大家可以月尾或者下個月頭黎呢度都唔會遲另外呢度下午開始日落個時黎又係另一番景象 其他圖:點擊圖片放大 +4