嵯峨嵐山小火車呢一日真係天未光、眼未開就出發因爲每逢楓葉、櫻花季節,嵐山小火車第五卡嘅車票都係一票難求所以要超早起身去排隊由大阪上嵐山都需要一段時間我就依靠阪急電鐵搭到上阪急嵐山站然後再步行15-20分鐘去到小火車售票處,亦都係小火車首發站,位於JR站隔離嘅嵯峨嵐山站雖然一早知道嵐山溫度一向會比京都市內凍3-4度但我最後都係着唔夠衫,得一件背心、薄Tee同pullover hoodies加上未食早餐關係,一路行我個人係一路震所以又係我保暖神器出場嘅時候 ,就係好多自動售賣機都有出售嘅熱粟米湯啦!即刻暖返曬 我大概7點半左右去到小火車站條龍已經開始排到出門口啦…… 我本身一開始仲打算7:45am先到,好彩琴晚諗諗下又改做7:30am到網上面話8點半開始售票但結果8點3條龍就已經開始郁 我只係排到大半個陣第一班去程列車指定席已經Full曬,得返立席卷(即係企位無得坐)由龜岡出發返嵯峨嵐山嘅頭兩班列車都已經係得返立席卷 所以如果旺季黎搭小火車,又想坐頭兩班車,記得一定要好早好早黎排隊就快到你個陣會有個職員問你打算買班次,然後寫落張紙for你到時比counter個職員係操流利英文,所以大家無需擔心而且大家想有咩要求,例如要坐雙數、ABCD之類都可以講定 所以我好快就買到我想要嘅12:01pm 第五卡 雙數 D座位 好多人會問應該要點坐啊?咩位最着數啊?其實網上面都好多”攻略”我自己就覺得雙數D係最好大家可以望下下面幅圖,雙數係右邊,單數係左邊;AD靠邊,BC係走廊 成程小火車一開始個五分二時間都係左邊有密集紅葉睇,右邊靠山但之後五分三時間就會變成右邊有紅葉睇,左邊靠山我自己就中意先苦後甜啦,所以私心覺得雙數好少少另外ABCD點解D最好,係因爲靠窗之餘仲係順風車,但A就係倒頭車我買12:01pm最主要原因係紅葉季嵐山11點之後就會超多人所以我就先利用相對比較少人嘅9-11am去睇下紅葉先之後搭到去龜岡,再直接用JR出京都市區買完小火車飛,如果大家係打算玩埋保津川搭船活動就可以係隔離買埋飛但天寒地凍,呢d活動唔好搞我啦 行出去個車站,條人龍長到嘔而且我買完無耐,上午班次嘅好多指定席都已經賣曬 時間瞬間推移到中午先! 我搭嘅列車係12:05pm,大概11:45am就會開始排隊第五卡列車乘客會先排係一邊,最後先上車 入到閘,個個好似餓鬼投胎爭住要同火車影相我寡不敵衆,只能求其影下就算 拿 真係無玻璃擋住架! 正式出發啦媽啊!好凍啊!正如我之前話齋,頭五分二時間係左邊位有野睇,右手邊係面壁思過所以頭五分二時間我都幾乎無坐過點擊圖片放大 +3 而之後五分三時間就變成係左手邊有景睇大概一直都係望住保津峽,同偶然有少少紅葉 而呢d景象不斷重復重復又重復點擊圖片放大 +4 去到後期我已經係無感覺都有感覺嘅,不過係個凍字 有時會見到玩保津川乘船活動嘅船同船客大家都好熱情揮手打招呼但我望見都覺得凍…… 由於紅葉唔係密密麻麻加上其實好多樹都未變色,仲係綠色或者已經凋零曬所以個景象真係好一般去到最尾五分一,其實已經係無紅葉睇,得返川景所以如果真係要比較左定右好,其實真係好難但如果要我再選擇,我都係會揀右邊,始終苦盡甘來嘅感覺係爽好多小火車終點龜岡站到啦 然後沿路行去最近嘅JR站,馬堀站 BTW 呢個坐馬車活動……都好唔浪漫下成件事好大陸……