事隔唔夠半年再同大家見面指定動作 - 多謝大家一如既往嘅支持先!上年呢個時候我去左東京48小時而今次呢個trip亦名副其實係完整72小時因爲我22/11夜晚8點係關西機場出發去市區,25/11夜晚8點踏上機艙返回香港不過因爲小弟呢排學業好忙,所以等到呢一刻先開始做鍵盤戰士但小弟16號先考完最後一科,未必可以好似以前咁每日出幾篇今次旅程係以睇紅葉同景色爲主所以無個d咩USJ、大阪周遊卡介紹啦反而有幾個我都好中意嘅景點、經歷分享比大家啦一如既往會有《我最期待景點》排名1. 明石海峽大橋 <--------------------------我真係期待左好耐好耐好耐!!2. 星之鞦韆(星のブランコ) <--------------------------我真係期待左好耐!!3. 寳嚴院夜楓4. 南禪院水路閣不過今次旅程遇到超多人流,皆因撞正日本3連休即係23-25/11都係日本公衆假期加上呢段時間係京都紅葉最燦爛期間,所以吸引好多好多人去睇所以我都有定心理準備會同好多人逼今次旅程貫徹我style 都係chur到盡(但我發誓有朝一日我發達,一定會豪嘆旅行……希望我有呢個機會啦)連續三日都係大概6點-7點起身再加上我為左出發,我事前幾晚都無乜訓教,要做好曬自己嘅功課結果我返到香港個幾日完全係行屍走肉大家都會見到我主要係用兩日黎睇紅葉,另外一日就去睇大橋同大阪市内周圍行希望今次個旅程無悶親大家啦行程表Day 1 : 抵達大阪 --> 福太郎DinnerDay 2 : 粟生光明寺 --> 都野菜 賀茂Lunch --> 星之鞦韆(星のブランコ) --> 豪快 立ち寿司DinnerDay 3 : 渡月橋 --> 寳筐院 --> 嵐山小火車 --> ますたに拉麵Lunch --> 南禪院 --> 北野天滿宮 --> 寳嚴院Day 4 : 明石海峽大橋 --> 頑固壽司(がんこ壽司) --> Spa World --> 十八番章魚燒 --> 前往機場(粗體字代表本人呢個旅程喜愛之處)其實本身Day 2同Day 3係調轉架!原先行程Day 2應該係渡月橋 --> 寳筐院 --> 嵐山小火車 --> ますたに拉麵Lunch --> 北野天滿宮 --> 寳嚴院只不過我第二日起身好頭痛,食左粒藥再休息多陣,結果成9點先出到門口加上個日體力真係好一般,所以將原先第三日行程掉上去第二日,然後cut左南禪院擺落新第三日。嵐山我其實以前去過所以我主要目的都係去嗰幾個景點睇紅葉,唔花全日留係嵐山啦而Day4下午本身想加埋大阪大仙公園/箕面瀑布落去但後來食飯食耐左,加上覺得睇左兩日紅葉都夠皮旅費表Total花費(以7算):機票 - HKD971住宿 - HKD350飲食 - HKD970交通 - HKD414景點 - HKD535其他 - HKD110= HKD 3,350好彩住宿有coupon咋,如果唔係其實要成700蚊都好平啊!!無錯,因爲我今次其實係住新今宮d簡陋型酒店而飲食方面我無刻意餐餐食到好平啦,都係我中意食咩就食咩就算交通方面,我呢次主要用上Kansai Thru Pass因爲我呢次旅程都好需要大範圍走動,計過度過都係買呢個Pass最抵而且有時仲可以配合埋橙色K字頭旅遊用品網嘅discount code