獨遊72小時京阪神之旅(5) – 滿到瀉海膽同三文魚籽《豪快 立ち寿司》

《豪快 立ち寿司》

返到大阪,又係去難波站,又係搵我個朋友一齊食飯
都唔知我係咪真獨遊……

我自己本身個plan係想食麵屋丈六
但臨時約嘅朋友就唔想排隊,所以ban左我
結果我地就去左都好有名氣嘅豪快 立ち寿司

豪快 立ち寿司其實係一間居酒屋
但入面都有壽司、刺身、燒物等等,而且大家仲可以狂飲酒
而日文“豪快”呢個詞其實係代表豪邁同爽快
所以呢度最出名就係超多份量嘅海膽軍艦
我地都係慕名而去,睇下係咪真係分量十足先

豪快 立ち寿司係大阪有四間分店,都係集中係中央區
我地去嘅係千日前商店街裏面嘅分店,最近難波站

入到去一樓係Bar枱

而我地被安排去三樓和式飯桌區,要盤膝而坐
講真,周圍都係煙味
因爲呢度係無禁煙,所以如果大家對煙味係好反感就唔好黎
我自己都唔中意煙味,所以同朋友講話快快食完快d走#cn##cn#

比大家望下日文同英文menu
其實都係一樣

我地total叫左四樣野
海膽小卷、三文魚籽小卷、吞拿魚壽司拼盤同辣炒八爪魚貝柱

海膽小卷 (うにこぼれ盛り 1200Yen)

就係日文menu名物料理裏面價值1200Yen個款
海膽數量驚人,完全係cover曬d小卷之餘,仲要不停向上堆
講真,打卡簡直係一流
但無論點靚,味道始終最重要
先夾起一塊海膽擺落口,完全無腥味,姐係起碼係衛生
但最奇怪係無腥味外,居然都無甜味,應該話係乜味都無
然後我再試多幾舊,都係得好弱嘅甜味,都説明並非上品海膽

三文魚籽小卷 (いくらこぼれ盛り 1000Yen)

三文魚籽都係超級多,多到漏曬落隻碗度
而且每一粒三文魚籽都好晶瑩剔透,色澤唔會暗淡無光
食落去完全無腥味,而且粒粒都好似爆汁,相當juicy
不過由於腌製過程中,我懷疑鹽落重手左,所以鹹味相當重,更加微微蓋過鮮甜味
不過都無阻我將d三文魚籽一啖食落肚

吞拿魚壽司拼盤 (まぐろづくし 2000 Yen)

除左海量嘅分量,呢度嘅吞拿魚其實都係大獲好評
而我就要左個大拼盤
裏面有大拖羅、中拖羅、赤身、同各一件,另外再有兩件
大拖羅好肥美,油脂豐富且分佈如雪花,雖然有少少筋,但都好軟腍
中拖羅質素都相當高,完全無筋,而且魚味非常濃郁

不過最得我歡心係第一舊嘅赤身同埋燒魚頰肉(ほほ肉/ホホ肉)
赤身雖然脂肪比較少,但魚味最濃郁,而且有輕微微酸感覺好正
而燒魚頰肉係比較難周街食到,每條魚得兩舊頰肉,肉質扎實但又好嫩滑,魚味好濃
其他壽司都ok, 正正常常

辣炒八爪魚貝柱 (タコと貝柱のピリ辛炒め 750Yen)

其實本身見到750Yen一份,諗住應該得兩三舊仔
點知原來分量都唔少,貝柱同八爪魚塊都各有4/5舊
下面擺左塊生菜墊底,而上面就放左好多葱花

貝柱唔韌,但缺少左份甜味
而八爪魚……要咬多先吞到囉,唔知咪咪姐咬唔咬到呢
而且醬汁方面,食得辣嘅我同唔食得辣嘅A先生都覺得完全唔辣,純粹係咸咸地

 

其實呢間野每樣食物價錢都非常合理,相當划算
如果大家budget唔算好多的話,不妨可以一試
但如果你係抱住食超級超級美食嘅心態而且金錢方面係許可,我覺得唔需要黎
呢間野我會覺得食物OK,但未到强烈推薦
除非你中意打卡啦,真係打卡一流

食完野再去高島屋個超市行左陣就返酒店休息啦
始終之後個日要超早起身,加上今日本身體力都一般

This entry was posted in 日本 and tagged . Bookmark the permalink.