沼津魚がし鮨行到大概11點3左右就動身返三島車站食野係日本第一餐中午飯我就決定食壽司而我就揀左沼津魚がし鮨呢間連鎖餐廳 沼津魚がし鮨係靜岡縣係非常著名食魚生、壽司鋪頭無論三島、沼津港、濱松定靜岡都有好多分店連靜岡縣外都有唔少分店,好似東京、羽田機場等但價錢都會有少少分別,尤其Lunch set會有唔同 而三島其中一間分店就係三島JR站南口隔離 入到去侍應就會遞上menuLunch set價錢真心好抵, 而且超多選擇 靜岡縣有兩個好出名魚市場清水港 沼津港所以大家可以放心個質量,一定無問題而且三島臨近沼津港,所以魚生都係好快運送到店鋪 我貪平叫左第一幅圖左上角1280円有20件壽司而且每日限定得30份11點開門,我11點半到達仲有得叫好好彩 首先會黎一份前菜,其實就係沙律上面有三舊酸甜炸肉,其實同咕嚕肉係好類似 然後就呈上20件壽司 嘩 突然見到覺得好多……當然名貴嘅海膽就無啦,但一般常見刺身都有好似赤身、三文魚腩、劍魚、帆立貝、鰻魚、油甘魚、鯖魚、魷魚等等Cheap野都有玉子蛋、納豆、天婦儸、蟹肉沙律同吞拿魚沙律 每一款咬落都無雪藏味、腥味,而且好新鮮刺身表面都無濕潤感覺,更加證明係靚野真係超級推介 每個set lunch都會有一碗麵豉湯而呢個麵豉湯犀利啦,係用魚肉去煲超大碗,大過我塊面之餘,亦會附上魚肉就算食煲左湯嘅魚肉,都唔會覺得鞋 沼津魚がし鮨(三島JR站南口分店)https://goo.gl/maps/375aBoq8oUx 食飽飽之後就繼續趕路啦而且要搭2個鐘落濱松 WTF好在我呢一日行程唔算好趕,而且我又唔捨得比幾千円搭新幹線 到達濱松之後,就即刻去check-in都係住間2-3星平平地酒店算,五臟俱全叫Court Hotel Hamamatsu,都好近JR站