中田島沙丘行程展開第一個景點就係日本三大沙丘之一 -- 中田島沙丘講起日本沙丘,大家可能只會諗起鳥取沙丘不過都難怪,始終靜岡縣係甚少旅客會接觸 要去中田島沙丘,就要去JR濱松站北口個巴士總站搭巴士我間酒店係南口個邊,所以我要穿過去北口見到樓梯就行落去,然後一直向前行 你會見到好多條樓梯,全部都係上巴士站 搵一條寫住BT-2樓梯,而且係顯示左”5 6 7 8” 上到去之後就去6號巴士站,然後等route 4巴士會寫住”中田島沙丘”” 中田島車庫”,就上個架啦 落車站名即情係叫中田島沙丘落左車就向前行另外回程上車點係對面馬路 我滿懷期待見到《中田島沙丘》大大隻字 然後昂然闊步行入去嘩 好靚啊我咁大個仔第一次見到一大片沙丘,而唔係平時沙灘 不過呢排有工程做緊,預料都有排做所以有d地方都封住,圍住左 大家可以赤腳行又得,著鞋行都得不過上斜個段都好辛苦,幾驚好似個波碌落去 上到頂再望返落去,Oh Nice……遠處嘅樓就好似海市蜃樓 沙丘頂嘅另一邊其實係海,當然都仲係有一大片沙先到海而且有部分位置其實都生左堆草我勸諭大家唔好行過去,生到草證明個度沙薄 不平坦嘅沙地真係好有藝術感,雖然明明就係無pattern有少部分位置都有好整齊沙紋點擊圖片放大 沙灘方面其實就係一個普通沙灘但我直覺覺得呢度睇日落應該會一絕 不過我就無係呢度睇日落反而去左另一個地方睇