22/5《源兵衛川 + 三島Lunch -- 中田島沙丘 -- 弁天島》(三島Skywalk大吊橋 -- 中田島沙丘 -- 弁天島) 呢一日先要去新橫濱換JR Pass然後再係JR上面食早餐有追開我遊記都知係我最最最最最愛嘅三文治同蘋果汁 其實好多人都好疑惑,其實JR或者日本鐵路可唔可以食野???一般鐵路,只要你味道唔濃,好似三文治、飯糰呢d都係無問題但如果熱辣辣、好大陣味個d就免啦其實新幹線都係一樣唔鼓勵食濃味食品只不過因爲旅途長,好多日本人自己都頂唔順買便當上車食所以搭新幹線個陣大部份人都會隻眼開隻眼閉,你就快快手食啦搭左成個鐘車終於都到左三島!本身第一次plan行程係打算直去濱松但一諗到普通JR由新橫濱直落濱松要3個鐘多d,就即刻卻步,用三島作爲一個中途站其實本身時間夾得好好,10:11到三島,然後10:15巴士去skywalk但人算不如天算,居然出閘個陣遇到日本廢老團塞住個閘口結果……我就趕唔切班巴士廢老果然係無分國界咁點算呢?從來慌張都唔係我性格,即刻改行程去源兵衛川順便去將行李箱存放係第二晚會住嘅酒店我就去左搭伊豆箱根鐵道,前往我下一個景點同後晚會入住嘅酒店先寄存行李伊豆箱根鐵道有個特色係,極少數列車上會有一個心型吊環傳説中如果兩個人同時捉住個心型吊環,就可以永遠係埋一齊我仲幻想過我左手同我右手一齊捉住……最後就當然係無遇到心型吊環 源兵衛川 清流蜿蜒嘅源兵衛川係三島市内一個標誌性地景更加係日劇《對不起青春》取景地被譽爲名水百選之一,水質清澈夏天個陣好多小朋友都會係度玩下水、大人就會浸下腳點擊圖片放大 而且水道兩旁綠樹繁蔭,令環境更添恬靜閒適之氣途人拾級而前行,令成個人好寫意而我仲更加一路行一路唱歌添Haha點擊圖片放大 成條源兵衛川其實唔長,大概5分鐘就可以行曬另外三島基本上都無高樓大廈四周圍都好樸素