由於我班機係上午6點半,而且我想用少d錢,所以決定訓機場!大概12點過少少就到羽田機場 第一件事就一定係霸位搵地方休息我個人好推薦4樓同5樓《羽田機場過夜推介》4樓好多呢d木板凳,雖然就好硬,但係勝在環境清靜而且日本橋個邊相對木板凳更大更舒服 另外都會有呢d中間凹陷落去,相對較軟身呢d就一定好過木板凳 另外上到5樓其實仲正!有好多呢的不設扶手軟墊凳簡直就係為過夜人士貼心而設 其實1-2樓都有好多不設扶手軟墊凳但因爲靠近馬路 / 入境大堂,所以非常嘈雜我寧願訓醒腰骨痛,都唔想無得訓所以如果你地都想係羽田機場過夜首先你要去5樓!其次,想安靜就要去4樓;想舒服就要去1-2樓其實仲有個缺德選擇,就係特別需要室入面有一張軟墊長凳,而且設有梳洗設施雖然正常情況下應該無人用,但問題係你要良知要比狗擔走左就可以而且個point係真係好缺德,所以大家頂多去抹下身就算啦 另外如果大家想要熱水/暖水比個小貼士大家,就係去育嬰室個度有70度熱水,就算你沖杯麵都勉強可以,沖多兩次應該都夠淋而我因爲遲,所以得番4樓木板凳但我仍然訓到成隻豬,變左千與千尋入面千尋個爸爸媽媽呢個係我枕頭,其實入面裝曬d乾淨衫 講真,其實我基本上無乜點訓到本身我怕生保床,而呢晚更加係生保凳所以全程都係以閉目養神爲主係3樓其實有磅重機,搭UO嘅朋友記得要去磅下行李有無超重啦當然你自己都可以企上去磅下重左幾多 大家有無留意到我呢個旅程有一樣野係我無食到而呢樣野食其實係我每一次旅程都會食就係牛肉飯啦! 唔知點解我真係好中意食牛肉飯本身係機場打算食六厘舍,但最後都係去食牛肉飯同埋六厘舍我食過兩次,個感覺仍然仲係口中食完個牛肉飯,就同日本再次say byebye啦 或者我地2019年先會再見啦日本!!!!!