阿美橫丁上野基本上係我每次去東京都一定要去嘅地方 Cls...真係多人到嘔今次應該係我第四次黎阿美橫丁幾乎每次黎都係因爲4間鋪頭London Sports, Cando, Daiso 同 業務超市每次我都好中意去London Sports度執平貨好多平而過時正版運動衫而Cando、Daiso都唔洗多講啦日本最多分店100円店,而且貨品種類多呢度只不過係我少部分戰利品,其實仲有好多 而業務超市我相信越來越多人認識入面賣嘅野真係超平,完全低於市價,有咩零食、飲品都可以去望下而且我特別中意上野分店,營業到夜晚9點其他分店好多時都係去到7/8點就無 最尾一日費時買一盒士多啤梨啦,求其買一串4粒算,200円 4點鐘,當然就係Tea time啦我決定要做一回港女!去食蛋糕然後我就去HARBS呢間超級出名蛋糕店買左一份雜果千層蛋糕 1000円 其實本身我想堂食,但要等位就費時所以就外賣,然後去隔離公園坐係度食而且各位留意,如果想係HARBS堂食,每人最少一定要叫一杯野飲就算你叫蛋糕叫天皇老子都無用,一定要叫野飲!比大家望下件雜果千層蛋糕蛋糕超級大件,高度同濶度係平時美心個d兩倍 每一層塊薄餅都好薄,但係仲有脆脆地感覺!生果方面每一樣都好新鮮,尤其平時好易酸嘅奇異果同藍莓都好甜,絕對無浸糖水而cream方面真係一絕甜度適中,毫無膩感,而且好軟滑我終於明白點解港女們會中意而我都搖身一變成爲港女另外HARBS好貼心,如果你係外賣,個盒裏面係會有兩包乾冰幫你保持蛋糕冷凍情況