獨遊4日靜岡縣+2日東京之旅(7):濱松美食 – 濱松餃子 《石松餃子》

《石松餃子》


講起濱松呢個地方
香港人其實都好常接觸到一樣來自濱松嘅食物
就係各大日式/高級超市售賣到嘅濱松餃子
顧名思義,餃子確實係濱松食物一大代表

臨近JR濱松站已經有兩間係Tabelog評分超過3.5嘅店鋪
餃子むつぎく 同 石松餃子

本身我想食餃子むつぎく,因爲入面有賣拉麵,有d湯湯水水可以送下餃子
但餃子むつぎく逢星期二唔開門, Ok fine
所以就去左係JR站有分店嘅石松餃子

石松餃子呢個品牌已經有65年歷史
係區内老字號

比大家望下menu
都係d餃子、餃子定食同酒類
餃子有分煎餃(最出名)同水煮

不過大家無睇錯,真係餃子定食 白飯+餃子+湯
日本人其實會當餃子係一碟餸,配白飯食
當然都有人淨食煎餃配啤酒
但對我黎講餃子配白飯食真係好奇怪,心裏面否定呢種食法好多年

不過算啦,要醫肚
就叫左980円最平個款,有10隻煎餃

餃子表皮金黃色,脆脆地
大小適中,成年男子應該可以一啖無難度

另外表皮仲有陣油係度
係罪惡嘅根源,同時都係美味嘅泉源

餃子裏面有豬肉同椰菜
所以好有口感

另外有調味料比你慢慢落
建議落少少辣,都好惹味

但食完都係個句,我真係送唔到飯一齊食
而且70蚊港紙食碗飯同10粒餃子????
我係香港係連八方雲集都嫌棄貴
好味還好味,但真心唔值

再者,其實小弟同家母包餃子都有一手,具備多年經驗Haha
自問比少少心機,應該唔差得太遠(有機會飲食台見!)

最後我走去超市埋包士多啤梨同去7仔買杯麵算

石松餃子
https://goo.gl/maps/9mQQvquVv3m

This entry was posted in 日本 and tagged , . Bookmark the permalink.