肉匠松屋先唔行街住,食飽最緊要!我特意上網search到一間食和牛嘅餐廳,叫“肉匠松屋”記得同連鎖牛丼店松屋係完全無關係 呢間餐廳係有證書證明自己用嘅係黎自佐賀黑毛和牛而且2014年更加得過農林水產大臣賞 一坐低,見到個筷子紙套好靚,爭d想偷偷帶走 比主餐牌大家望下先,其實價錢都唔係貴不過當然唔會係A5啦點擊圖片放大 +2 而另外每日Lunch都會提供經濟實惠午餐定食價錢都係2000円樓下所以我呢d窮撚就一定係lunch先黎食啦 而最多旅客會叫下面個menu上面個三個Sets因爲都比較豐富之餘,價錢都好合理而我就叫左2680円呢個set,等自己豪下(題外話,呢三個set其實平日夜晚都有,而六日公衆假期夜晚就無啦) 餐廳走中高檔路綫,裝修都別具氣派,而且座位好寬鬆 2680円個和牛三味御膳set其實包左:一小鍋湯、沙律、前菜、泡菜、一碗加入穀類嘅飯 & 3個不同部位嘅和牛各3小塊店家先呈上湯同蘸肉嘅調味汁 個湯都......幾體現各大飲食文化集百家之所長居然係韓式辣豆腐湯仲要得微微辣,唔正宗不過好彩叫有d湯水入口,係日本成日會好少湯水飲(麵豉湯除外)然後就係沙律同前菜啦沙律最特別地方係用柚子醋做source,令到沙律不但開胃,仲富有清新感豆腐有豆味,配合豉油製成凍豆腐,大家應該會想象到咩味 八穀飯上面鋪上紫菜同韭菜另外飯比較淋身,配上紫菜都容易入口韭菜我無撈飯,反而用黎配肉食 主角終於登場!TBH 我分唔到咩肉打咩肉但每一塊油脂都分佈平均,尤其以中間個款油脂最多 先燒最左手邊 每邊燒大概10秒其實已經夠曬肉汁滴下滴下滴落我碗飯度,好正啊而且我燒到有少少焦,我簡直係世界級大厨!點擊圖片放大 然後再燒中間油脂最多由於呢個比較薄,所以每邊燒7-8秒就夠真係最肥,入口最多油份不過右手邊個款就比較韌油份都相對較少 小弟有個難題,肉上面有葱花你地會撥開葱花燒,定連住一齊燒?我係連住一齊燒,搞到葱成日都燶曬 Overall黎講,肉匠松屋絕對係窮人恩物如果你budget唔算多就一定要黎但如果你平時大富大貴,食盡世間美食,就無需要黎呢度啦肉匠松屋營業時間:10:00 – 23:00 (午餐提供時間: 10:00-15:30)https://goo.gl/maps/CWeemoNgsT42岡山最大型Shopping Mall《Aeon Mall》正式爲大家介紹呢個我個人覺得超級好行甚至係我最喜愛前3位商場比大家認識呢個Aeon Mall集超市、服裝、藥妝、飲食及娛樂於一身 6-7樓全部都係食肆,而且絕大部分都營業至23:00所以夜晚都唔怕無野食而且食店各有特色,有來自福岡嘅水炊雞、高知名物明神丸燒鰹魚、大阪著名炸串,更加有韓國食店、美國扒房同意粉店等等一定可以滿足你!! 另外4樓都有美食廣場,選擇繁多一樣咩國家代表都有而且幫大家望過價錢非常公道,500-700円其實都可以有交易 另外仲有倉敷著名烏冬鋪ぶっかけ亭 而我最愛行嘅超市就位於1樓,同香港一樣叫做Aeon Style好多野睇好多野買最重要係熟食多,生果種類多,仲可以自製生果盒點擊圖片放大 +3 而其他樓層就主要係購物爲主,無論時裝、運動定配件都應有盡有好似H&M、Gap、Wego、Jins同urban research等等,連MK品牌dickies同Champion都有點擊圖片放大 而且超多呢d凳比顧客休息真係超級貼心 所以講到係岡山行街,我首選Aeon Mall難怪起左無耐就已經完全取代左高島屋其實本來我安排左去後樂園但天氣仍然落緊雨都無辦法唯有下次再去,反正我對於人工花園其實興趣都普通