角島大橋去要角島大橋其實同樣都係有5個方法:自駕單車旅行團特牛駅/滝部駅轉巴士 (http://www.sandenkotsu.co.jp/uploads/2017/03/TIS20170304.pdf)特牛駅/阿川駅轉的士巴士班次係非常疏本身我個plan係搭山陰本線13:07,然後大概1點半到特牛駅等14:12巴士不過而家有新認識朋友就可以一齊share的士啦去到特牛站,係一個無人站,而且門口都唔會有的士 但呢個站會貼住一張的士聯絡方法同價錢牌,然後係站隔離個電話亭打電話 真係超級多謝同行兩位女士,如果換轉係我呢個對日本一曉不通嘅人就一定好狼狽(提提大家,根據我上網揾到嘅資料,阿川駅其實都有的士聯絡方法同價錢牌,如果大家要搭的士,記得去阿川駅,因爲近大橋好多)如果係搭巴士嘅朋友要去大橋,記得係ホテル西長門リゾート入口落車 然後一直向下行,行5分鐘都唔洗就會見到大橋但我搭的士就當然係正大橋口度落車啦,2320円一落車我發出左今日第二個嘩我開始明白點解好多台灣人會叫死前必看的世界絕景之一橋興建係清澈嘅海上面,再配合藍天白雲,加上橋好似延長不絕係超級宏偉壯觀 橋隔離有個展望台,一定要上去!可以俯視大橋,仲可以瘋狂自拍 另外隔離有個海灘仲有人係度滑浪添 其實仲有一個位可以居高臨下望大橋同展望台比又有另一番感覺不過我之後先Po圖啦,因爲我係展望台影影下個肚已經打曬鼓我之前都講過,角島大橋附近無乜餐廳行五分鐘左右會有一間外觀為白色嘅西餐廳就係下圖右上角個間啦,有無敵大海景睇角島大橋餐廳 -《GABBIANO》餐廳名叫做GABBIANO,非常洋派當然外觀都非常洋派啦 餐廳好似成個貨櫃,不過係雪白色 再配合位於海邊嘅先天優勢,無論同咩人食都特別有feel而且係透過窗可以望住成個海同成條橋冬天個陣露天位唔開,但食客仍然可以走出去睇景色 講左咁多,當然唔可以忽略食物啦比大家望下餐牌,得日文,無其他語言所以好似我呢d唔識日文就只好google translate同亂叫啦 整體價錢都真係唔平,不過有一半價錢都落係個環境同風景度啦另一半價錢就係呢間餐廳係標榜全部都用有機食材餐廳有提供Set Lunch,有是日意粉、是日沙律同一杯餐飲,盛為3280円我對沙律同餐飲就無興趣,所以就散叫左個是日意粉同從翻譯得返黎嘅蒜蓉多士,已經食左我2600円蒜蓉多士已經唔單單係分量十足嘅多士我100%相信係經過油炸,令外層酥脆並呈金黃色咬落去無論表皮定裏面麵包都係非常之脆而且搽上去嘅唔係平時我地麵包舖見到嘅細細粒蒜蓉,而係完全化成醬嘅蒜蓉醬頭一兩舊確實令我深感驚艷,脆卜卜但後來越食越厭......因爲麵包一唔夠熱就好硬,加上要連續食幾舊好硬嘅真係有少少辛苦 是日意粉按我味覺同視覺判斷應該係三文魚肉蟹子意粉配忌廉汁醬汁中除左有忌廉汁外,仲有一股好重嘅蒜味可能係頭先多士已經好濃蒜蓉味,呢個意粉再有蒜蓉反而令我有少少抗拒另外三文魚真係好嫩滑,烹調個陣係魚肉表層界兩下,更加令魚肉熟得更平均,醬汁更加走到入魚肉入面。配合埋煮得爽口嘅意粉同卜卜脆嘅蟹子,口感非常豐富 雖然係好貴但可以望住個海食野,都真係一種奢華算啦,比多d錢享受下啦食飽就見到出太陽我當然埋單,趕返去大橋個度之前同大家講過可以俯視大橋嘅位置就係上面個馬路位啦 一去到就瘋狂打卡同影相點擊圖片放大 個類似日晷嘅物體其實係角島大橋Icon 左手邊其實就係我一開始個展望台 車一時多一時少有部分人會企係馬路中間影相不過提提大家都要小心留意交通啦 雖然一路吹住西北風,但望住呢個美景我覺得都係值連海景都靚爆鏡 真心無論點影我都覺得好靚啊 走個陣我自己搭巴士出返特牛站巴士站其實就係去大橋落車位對面,即係向上行就得點擊圖片放大 由於落後地區d交通接駁差,所以我都要係特牛站等JR等同時影下呢d落後車站