《小豆島》之前都交代過因爲要去丸龜城祭所以就調左小豆島走但我真係好想去小豆島其中一個景點 所以我決定係最後一日出發!但可惜要係2點半前返到高松所以得半日,甚至其實得一個上午遊覽要去d乜島d島基本上全部都要去高松港搭船但其實高松港分左兩個部分要搭快船就去呢度買飛上船 如果要搭慢船就行前少少去天橋連接住個棟野入面買飛 快船足足貴慢船一倍價錢不過時間都快一倍但我係saving哥,所以都係選擇慢船而且我計過我去兩個景點搭慢船都ok大家入到去就選擇返你目的地然後去買飛 一般人去小豆島都會選擇去土庒港作爲小豆島起點但我就為左訓多幾個字所以以池田港作爲起點而且我一落船等一陣就會有車非常perfect而且我呼籲大家可以一次過買來回因爲票價會打個9折————————————————————————————比埋大家船程資料http://shodoshima.or.jp/?page_id=1599快船就自己click第二項啦 ————————————————————————————之後就去排隊上船 轉下眼船已經係我面前大船,而且可以載車所以如果大家有租車就可以駛入去不過當然要比錢啦 船内裝橫都幾靚我就當然要坐船頭因爲我之前都講過我係會暈船浪 一個鐘船程不多不少就到左池田港啦 今日個天都好靚一定係祝賀我光臨小豆島 如果大家係池田港落車一定要係係池田港門口搭巴士!因爲有幾個台灣人fake我話呢度無車入黎要去出面大馬路搭 但我就覺得奇怪明明d人係行去池田港門口呢個巴士站等車 所以我答謝左之後又偷偷返到池田港門口等車好快就上到車——————————————————————————————————比埋大家小豆島巴士班次啦http://www.shodoshima-olive-bus.com/dia.html自己click返各自條路綫要去橄欖公園/風車 --> 坂手線・南廻り福田線 / 田ノ浦映画村線要去田ノ浦映画村 --> 田ノ浦映画村線要去寒霞溪 --> 坂手線・南廻り福田線 / 田ノ浦映画村線 去到草壁港就轉神懸線要去天使之路 --> 田ノ浦映画村線 / 西浦線;或者搭任何巴士去到土庄本町行15分鐘過去 ——————————————————————————————————我第一站係橄欖公園/風車所以當然係搭坂手線・南廻り福田線前往好在我無聼台灣人講因爲巴士由土庒港開出已經載左好多人去到池田港上埋我地已經滿曬然後台灣人就望住我走佬由池田港出發去橄欖公園250Yen,土庒港去橄欖公園就300Yen點搭巴士唔再教啦,睇前面d篇幅啦一落車....嘩 個環境好正個好似日晷嘅物體 但最重要都係個蔚藍色天空同碧藍色嘅海洋落車地方對面有個紀念館可以入去望下d橄欖 過一過馬路就會見到個種植花草嘅地方點擊圖片放大 唔講唔知其實宮崎駿個部魔女宅急便有好多景色都係取景自小豆島不過我對魔女宅急便已經無乜印象唉 點解連條馬路都可以睇落好靚 仔細行近d原來個好似日晷嘅野連埋個草地叫做イベント広場 跟住指示牌行入去就會見到風車 好大個好似去左荷蘭咁(其實我未去過 唔知係點)點擊圖片放大 不過要點先影得靚呢?如果正面影又顯得好大但又無個詩情畫意等我推介比大家去邊度影最靚啦就係去風車背後影啦!一次過將海景、風車、草坪盡收眼簾點擊圖片放大 如果有廣角鏡就無得頂可以完全講海景、風車、草坪盡收相片中不過今日小豆島真係好多人明明上網睇人地d blogs係好少人唉 撞正紅日頂 個海真係J死我 沿住馬路行落去就會去到個海灘我都係要講多十次個海好靚 個海好靚 個海好靚 個海好靚 個海好靚 個海好靚 個海好靚 個海好靚 個海好靚 個海好靚而且海水真係好清點擊圖片放大 +2 如果呢度無人我估我應該會學電視劇入面d人大叫!然後我就搭車出去我下一個,亦都係我最期待嘅景點因爲時間唔敏合所以我只可以搭南廻り福田線去土庒本町行路過去沿途會經過呢個號稱全世界最細海峽真係好細 係d小路左穿右插就會去到 見到人群就跟住行亦即係代表今日好多人同時表示出我好唔開心 你地自己望下多人到咩地步!!!! 明明天使之路平時係好少人唉 我果然係世界上最不幸嘅美少男啊!未介紹天使之道呢個我最想去嘅地方添天使之道嘅命名其實係源自呢條路係要潮退先會出現如果潮漲就唔會有呢條路,而對面就會變成孤島再加上傳聞話只要同自己愛嘅人一齊行呢條路就一定會開花結果或者修成正果,記住對方都要愛你先得所以就叫天使嘅路而我....就當然同我最愛嘅左手一齊行先推薦大家行上呢個展望台幫天使之路打個卡先 記得同你個戀人一齊敲下個鐘啊但我右手拖住個左手,所以敲唔到sosad 然後就開始一個人右手拖左手行啦 見到人玩呢d水上電單車好似好正我下次去沖繩玩先 全境模式頂 面前對情侶曬恩愛 我其實去四國之前,天使之路係我四大目標之一但今日一去,除左失望就無其他因爲真係多人到極點就算我係拖住另一個人隻左手我諗都無個種浪漫氣氛所以大家唔好紅日黎啊!!!!行完天使之路,就要回歸市區,繼而回歸香港.....搭車個度好多人 返到池田港趁未上船就影多幅相啦 唉 呢個行程最失敗就係今日得一個上午遊覽小豆島我發誓如果我下次去岡山一定要特登搭船再戰小豆島!(岡山係有船落小豆島)返到市區,我第一件事就係要食野因爲時間無多所以只能食快得黎而我又愛嘅食物--牛肉飯高松市區基本上就得すき家,所以都無得揀行5五分鐘就會見到 但其實我個人係中意松屋多d因爲甜度高少少すき家食落就硬係覺得有少少酒味而吉野家就咸d暴風掃完晚特盛之後我就趕番去高松站隔離個超級市場買手信四國手信特產唔多我都係買d烏冬同高知柚子產品就算然後再過隔離7-11買d小食等陣搭車食 要去機場嘅朋友就提早少少去到3號排隊啦而且大家可以去三號牌隔離個中心買定車費費時落車先比錢找錢好麻煩 一落車入去就向右手邊行UO柜位係痴住Jetstar 而且高松機場真係好細一眼都可以望曬 臨入閘前都有間Family-Mart同手信鋪 而入左閘後亦都有duty free shop我見都有好多同一航班嘅係度掃Royce朱古力 回程係用hk airline機正 起碼鬆動dd 然後一起飛就宣告我個四國之旅已經正式結束啦!