《丸龜城祭》丸龜每年五月三-四號都會舉辦祭典吸引好多人黎參觀,係四國企中一個最大型盛事要去丸龜都仲要行一段距離要穿過商店街d人都係去緊/去完祭典 呢一間驚安之殿堂得一層連成人用品部都無 四周圍都係人同攤檔啊!第一次係四國見到人山人海嘅情況突然見到隔離好多人圍住好奇心重嘅我當然行過去 原來係有人耍雜技 我望左一陣就繼續行掛曬燈籠,好有氣氛 周圍有各式各樣嘅鋪頭點擊圖片放大 而我都買左個鯛魚燒食味道正常,唔太特別 哈哈 而且呢度有一排全排都係賣丸龜最出名嘅骨付鳥(即係連骨嘅雞)仲有曬位比人食雞、烏冬 最令我佩服係就算四周圍都係攤檔但垃圾分類都做得好好 而且大家可以望下上面d圖四周都無垃圾可見日本人衛生意識係好強烈,好愛護自己環境但相反大家回想下上次深水埗夜市垃圾囤積嘅情況又諗下青衣戯棚d垃圾隨處可見我諗呢點我地香港人絕對仲有好大改善空間都希望大家愛護環境啦周圍都有好多表演有唱歌有舞蹈點擊圖片放大 +2 而且仲有d少女團載歌載舞d宅男大叔...... 要簽名個陣要跪係面前係咩規矩..... 行完地面就上去丸龜城啦! 沿路上去其實都好多人係上圖右手邊個位已經見到好靚景色個條就係瀨戶大橋啦! 但我繼續行上去 呢度仲高,睇得仲多點擊圖片放大 大家一定去上黎當展望台睇啦臨走前再去望下個雜技表演又係另外嘅表演!點擊圖片放大 其實我晚餐plan左食丸龜最出名餐廳--一鶴但個陣4點我仲未餓所以決定返高松分店先食