《上原屋烏冬》離開左栗林公園,又係時候開餐我轉頭要食一樣我真係好中意好中意嘅食物而且亦都係香川縣名物就係烏冬啦!第一晚食唔到而加一定要食啊!我就選擇左離栗林公園非常近嘅上原道餐廳係高松市數一數二嘅烏龍麵店Tabelog有成3.78分,係好高分 我相信大家都成日聽到讚岐烏冬但其實讚岐係邊?讚岐就係位於高松市隔離所以成個香川縣嘅烏冬都係超級出名而且好多店鋪都係出售自家手打烏冬11:30已經要排隊 但好在翻擡都好快大概15分鐘我已經入到去 呢個餐廳叫野食流程係點呢首先跟住人龍排隊然後就攞起托盤(d姐姐不斷炸野) 第一關卡係炸物想食就夾,段件收費 第二關卡就係同姐姐講你要咩麵同大細唔識日文唔緊要比幅圖佢 然後講句"big/small"Done 建議你上官網搵圖啦夏天一定係食凍烏冬!正而且當地人其實都覺得凍烏冬先最能體現烏冬個麵體同口感從而睇得出烹調手法 第三關卡就係夾關東煮想食就夾,段件收費第四關卡就係比錢啦如果你係食熱烏冬的話就要加多個關卡係比錢之後就係攞你碗麵去自己祿熱佢 然後隔離就有湯底自己加最後一個關卡就係加配料啦識加一定係瘋狂加天婦羅碎真係好正啊 我最後叫左個大凍烏冬、一個炸貝柱、炸豆腐同關東煮豆腐都只不過700Yen左右 關東煮一般,無乜味而且太大舊,d精華走唔到入去炸貝柱好鮮甜!無過油,控制得好好而且大大塊而炸豆腐更出色同樣非常大舊,炸粉唔多豆腐本身有少少調味,但豆味都好出輪到主角烏冬啦單純以醬油作湯底烏冬煙靭彈牙,好有咬口完全無香港個d烏冬嘅酸味每一條只係單純沾上醬油已經係人間極品而且300Yen超大碗女士們唔好亂試我食完出黎望見條隊.... 之後出發嘅地方係香川縣另一個市 丸龜市係一個好多遊客經過都會到此一遊嘅城市相信好多人都聼過丸龜製麵但其實丸龜製麵並非來自丸龜市所以曾經有調查指出香川縣市民心目中最討厭食肆丸龜製麵係排名第一!因爲覺得丸龜製麵打住香川縣嘅名氣招搖撞騙講完題外話講下點解我會去丸龜先我之前係無打算去呢個無乜野行嘅地方本身今日係plan左行完栗林公園之後就去小豆島 但係我出發前兩日我突然check到3-4/5丸龜有個丸龜城祭經過一番衡量就覺定今日由小豆島改成丸龜然後留夜晚行街聼日一早起身去小豆島半日遊由瓦町前往高松站搭左呢架車但唔知點解好多人都影呢架車,而且全部都係Local所以我又跟住影後來先知原來呢架車係琴電第一代車,大正15年製全日本數一數二歷史悠久 高松築港隔離有間麵王如果大家係德島無食到就可以係度食下 今日係搭另一款列車好新啊!!而且仲有兩個靚女係門口迎接小弟 20分鐘就已經到達丸龜啦 上原屋不解釋,詳情請參閲之前篇章,100分推介https://goo.gl/maps/mFmqW5VQj9H2