超蓮黎香港開既牛肉麵,到而家都仲係日日排哂隊,今次六點去到未有太多人食晚餐,終於無人排隊即入去食,不過可惜見唔到老闆娘。 店內都係用上左白色同木系既簡潔設計,舒舒服服咁食番餐台灣菜。 點擊圖片放大 +3 牆上都掛上左幾幅台灣麵店既畫,仲有大大碗麵食既圖案,另外有對聯掛上牆身。餐牌都係好有特式,有個麵海同唔少麵檔。 點擊圖片放大 第一碗黎既係《蕃茄牛肉麵》($78),蕃茄味係香港獨家供應,湯底加入大量蕃茄製成,飲落陣陣茄味,牛肉亦夠淋身。 點擊圖片放大 +4 招牌既係《紅燒招牌三合一》($95),三合一包括左牛肉牛筋同牛肚,牛筋軟腍牛肚都爽口,牛肉湯用牛骨同中藥製成,飲完唔會有成口味精口乾感。 叫左幾樣小食,而家咁熱緊係要食番啲消暑野,《海帶絲》($22)份量都唔算少架,加左少少麻油更香,入面仲加左少少薑絲。 點擊圖片放大 +2 到我最愛食既小食,《滷豬大腸滷豬耳》($38),豬大腸真係無法抗拒,夠大份又清得乾淨,豬耳就較爽口,滷水香都幾唔錯。 叫左個菜食《肉燥燙青菜》($28),青菜最緊要係夠新鮮同埋唔會煮到過哂龍梅哂,呢碟兩樣都做到,撈上肉燥食清得黎又帶少少肉香。 點擊圖片放大 叫左兩杯野飲,第一杯係《冬瓜檸檬茶》($26),熱天最好飲冬瓜,呢杯係遊台灣後一飲愛既既飲品,冬瓜鮮甜加上少少檸檬酸味好好飲。另外夏日限定《百香果特調》($18),百香果酸味味好消滯,入面仲有白珍珠。 店名:玖五牛肉麵 地址:銅鑼灣駱克道399號金禧大廈地舖 即刻入去Like & Share埋我地既其他頻道: Facebook: KJFOODLIFE飲食玩樂地圖 Instagram: KJFOODLIFE Website: KJFOODLIFE飲食玩樂地圖 Openrice: KJFOODLIFE 歡迎報料同合作: Email: kjfoodlife@gmail.com Mobile: 63525193 餐牌: