[KJFOODLIFE 銅鑼灣] 搞鬼美式餐廳 必食明太子天使麵

納入狠狠懲罰系列原因 – 連儂牆、播黃歌

到而家食野真係要揀過度過,唔係幫襯錯左就心情都唔好食得又唔安落,呢一間門口經常都有長長既人龍,好彩一早訂定位就唔駛等。

呢間樓上店入面勁有設計勁多搞鬼既畫畫左係牆身,好多都係玩美國風,好似美國圖既枱,大大個漢堡晝,最緊要係一出升降機已經係任寫唔嬲既連儂牆,等緊位都唔怕喇寫番幾張貼上去。

《明太子忌廉天使麵》($106)可以話係呢度招牌,差唔多個個都會叫,滿滿既木魚絲係度跳又香囗,底層有勁多既忌廉汁,天使麵撈勻哂每一條都沾有汁,加上唔少既明太子香辣味好香濃。

見到《慢煮牛扒薄切唔該》($118)價錢相宜又有水果同菜健康啲,牛扒份量都好多中間都有少少嫩紅色,不過稍為有少少熟左如果再生番少少更好,底下舖滿洋蔥,配菜仲有勁多生果粟米同沙律菜夠新鮮。

小食再叫左一個《脆炸薯條》($52),可以揀原味、芥末明太子、芝士或者蜜糖芥末,呢盤薯條都好大兜仲要係新鮮炸起又熱辣辣。

野飲叫左《Rose Latte》($48)上面舖滿玫瑰花瓣,飲落有啖啖花香味,另一杯叫左《Macadamia Latte》($48),呢杯就會有輕輕果仁香味。

店名:Little Vegas
地址:銅鑼灣耀華街3號百樂中心25樓

即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Openrice: KJFOODLIFE

歡迎合作或查詢:
Email: kjfoodlife@gmail.com

餐牌

This entry was posted in Café, 主題餐廳, 其他歐洲菜, 家庭聚會, 情侶約會, 特色餐廳, 甜品/飲品, 生日派對, 知己聚會, 美國菜, 食材, 香港 and tagged , , , . Bookmark the permalink.