[KJFOODLIFE 沙田] 懲罰到石門 高質下午茶

納入狠狠懲罰系列原因 – 參與罷工、FB表態、收據有囗號

本來想食舉藍旗出左名果一間餐廳,但係去到原來下午休息就去左另一間儲低左既心水店,其實真係好日都唔黎一次石門,既然黎開緊係要大大力咁支持下。

店舖細細真係好屋苑既小店,睇落好多都似係附近住既朋友仔。其實食黃店唔止係支持咁簡單,仲有一份香港無左好耐既人情味,除左侍應姨姨好有禮貌好貼,大家仲會傾計。咁岩無哂位要搭台,知道隔離枱既兩母女仲專登由灣仔黎支持,連咁遠都入到黎,你地仲有咩藉囗話唔支持黃色消費圈呢。

呢度既漢堡又大份好多人讚,不過接近晚飯時間只好叫個細既《迷你漢堡配田園沙律薯條》($55)淺嚐,有兩款包括左雞扒同牛柳,如果唔食牛仲可以揀豬添,漢堡包好鬆軟仲有黑白芝麻加香味,中間有新鮮蕃茄同洋蔥,仲有大大塊芝士,雞扒好嫩滑牛柳就有少少韌,薯角大大舊仲每一舊外皮都炸都脆。

見到用十勝紅豆即時叫番杯《椰汁紅豆冰》(+$10),用日本野之餘仲要好足料勁多紅豆,紅豆煮得好淋身又超香甜,椰汁好飲又唔會勁甜。

一拎到張單就發覺明明叫左一樣野,點知張單咁得長,望一望真係超多口號,大家一定要加油支持咁有心既黃色小店。

店名:Supine
地址:沙田石門安群街3號京瑞廣場1期2樓210號

即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Openrice: KJFOODLIFE

歡迎合作或查詢:
Email: kjfoodlife@gmail.com

餐牌

This entry was posted in Café, 家庭聚會, 情侶約會, 新界, 日式菜, 特色餐廳, 甜品/飲品, 知己聚會, 美國菜, 食材 and tagged , , , , . Bookmark the permalink.