2018年7月21日 之前講過係書展買左一套24色既噴槍筆,今日就同kiwi仔玩下先! 裡面有24色水筆,藍色熊貓噴槍一枝,隨盒附送四個動物膠模,兩把間尺小膠模,說明書。 準備好模具,組合好噴槍筆就可以玩喇! Kiwi仔噴下噴下,好快就完成作品喇!呢個簡單既動作不但可訓練小手肌,更可訓練小朋友手眼協調,一舉兩得! 可愛既小狗仔就完成好喇! 再試下用間尺膠模先。 登登登凳!阿仔仲噴多隻松鼠仔,今次嘗試用兩種不同既顏色,巧靚靚! 大家不妨趁住書展去買返盒比小朋友,可以自由製作手工卡送比朋友都無妨喔! 書展攤位: 文理行。3C-A37 24色噴槍筆$65-