19 SEPTEMBER 2015(SAT) 今日我地兩母子又嚟拍拖去街街,應邀嚟Piccolo Pizzeria & Bar參加工作坊,食一個豐富午餐之餘,仲學整PIZZA呀~ 今日除左我地兩母子之外,仲有SY哥哥一齊,咁就好啦....有人可以陪小小豬玩啦~ 係未正式開始整PIZZA之前,PR姐姐先為我地準備左一個豐富午餐。原來依一個係佢地嚟緊十月會推出嘅LUNCH SET,其實就係好似半自助餐形式,有一款餐湯,兩款沙律,三款意粉及一款PIZZA為顧客提供,顧客仲可以因應個人胃口不限量加添(當然只限午市時間啦)~ 點擊圖片放大 +5 我個人嚟講真係覺得嗰個卡邦尼意粉唔錯,個汁加上個意粉再加埋少少香草,都幾好食,我仲食左好多添。當然個PIZZA都唔錯,餅底脆卜卜,幾香口呀~ 食飽飽之後,兩位小朋友就穿上圍裙同廚師帽,準備開工整PIZZA啦~ 原來大廚一早為我地準備好晒材料,只係等小廚師們開工呀~ 首先廚師就教我地將麵粉溝入麵糰~ 雖然小小豬都係整慣嘢食,不過搓麵糰都係第一次,所以最後店長姐姐嚟幫依度論盡豬~ 之後就到拋麵糰步驟,小小豬隻手仔又點夠加呀,俾佢拋就真係乜都唔洗食了,所以....當然係我出手啦(但其實拋拋下又幾好玩哦...哈哈哈~ 整好個餅底,就先塗茄汁先~ 之後就放上芝士粒粒~ 最後就放上唔同嘅材料~ 點擊圖片放大 小廚師貫設佢一向作風,整左個超級勁料PIZZA呀~ 最後一個步驟,就係交個重量級PIZZA俾大廚幫我地焗。依個小小豬全程坐定定睇到實一實,仲好期待見返自己個PIZZA呀~ YEAH....終於出爐啦,估唔到小小豬個自家制PIZZA又幾靚哦~ 我地完左活動之後,就去中環匯合埋DADDY,齊齊係大好天氣下歎PIZZA呀~ 雖然我地唔係即焗即食,隔左大約半個鐘左右啦,但個PIZZA都仍然唔錯(當然亦都一個原因係小小豬勁香料,啖啖菠蘿又蕃茄),轉眼間我地三口子就食晒一大個PIZZA啦! 小小豬係今次工作坊玩得不知幾開心,仲問我幾時再嚟整PIZZA,又問幾時可以係屋企整添! More Information : 親子PIZZA工作坊 (需要最少6位小朋友參與) 小朋友x1及 家長x2 = $189 (加一服務費) 時間: 每日11am-4pm(過程為1.5小時) 地點: 中環九如坊12號地舖 Facebook:https://www.facebook.com/piccolokt MY FACEBOOK~ MY INSTAGRAM~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※