22 SEPTEMBER 2015(TUE) 在秋天將至,當然要煲啲清潤嘅湯水打打底。加上小小豬依排又勁鐘意飲湯,每次都飲兩大碗,所以又係一個動力令我密密煲。 今日就煲左好啱預防秋燥嘅湯,就係沙參玉竹雪耳湯~ 由於雪耳係唔可以隔食飲,所以我都唔係煲左好多,大約係夠我地三口子每人飲兩碗左右啦! 材料包括有,沙參、玉竹、雪耳、南北杏、蜜棗、果皮少少及豬肉約$40,份量方面我就同藥材店職員講大約幾多人飲,佢就會幫你執所需份量啦~ 瘦肉洗淨汆水備用~ 果皮浸透去囊~ 雪耳浸軟剪切塊~ 煲內放約2L水,然後隨水加入果皮~ 待水滾後加入所有材料,先用猛火煲半小時~ 之後轉用慢火再煲一小時~ 最後加少少鹽調味,可以飲得啦~ 秋天係好需要預防同滋潤嘅時候,個底打得好,咁係冬天就唔咁易燥同爆擦,所以真係要趁依家潤多啲。 而且沙參能養胃津清肺熱,玉竹可潤燥止渴,雪耳滋補養氣。所以依個湯有潤燥滋陰,對皮膚亦有益,但如果感冒者就暫時不宜飲用啦! MY FACEBOOK~ MY INSTAGRAM~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※