沖繩 8天陽光之旅 day 8 好多人問: 沖繩只是一個小島, 8天會否太多呢? 經我親身體驗後, 讓我告訴大家, 一點也不多, 而且我仲有好多景點未去呢! 萬座毛、殘波岬、海中展望塔、波上宮、坐船出海觀座頭鯨 & 海豚、往離島等....所以有機會我一定帶埋屋企人再來一次, 試一下自駕遊, 相信會十分難忘呢! 住了7晚的酒店, 有點依依不捨呢! 吃過豐富的早餐, 帶齊行李退房時為前台人員送上一張hong kong 的postcard, 這是我的個人習慣, 每次出門必帶備幾張postcard, 因整個旅程當中, 要多謝的人真的很多, 很多。 記憶有限, 但紀錄無限。我通常都會寫下感謝對方如何幫忙, 及一些祝福語等, 希望能夠結一個善因緣; 通常收到卡的都十分歡喜, 因他們幫人是沒想過回報的, 一張小小的心意卡, 也是對他們的行宜, 作出一點肯定和讚美。 有趣的巴士圖畫, 應該是出自小朋友的手筆, 跟充滿陽光的沖繩很搭配。 拖著行李, 有點狼狽, 因路上凹凸不平, 我不會因少許舒服, 浪費金錢坐的士的。我坐黃昏機, 又不趕時間, 最多行慢D 囉! 今日最後衝刺, 買了單軌列車一日乘車劵, 600円/日, 一日內無限次乘搭單軌列車! YEAH...YEAH 剛巧來一架彩繪首里城紀念車, 其實我們是往那霸空港方向... 噔噔噔噔。。。我們是2喼嚟4喼走的, 其實去過日本好多次, 巳經好叻好忍手了, 起碼不會再買那些大大包的零食啦! 杯麵啦! 手信都係選精簡D, 講真自己的東西其實真的不多喇! 去到打算先CHECK IN, 再" 濕平 ", 點知計錯數添! 個國外線機場實在太細喇, 根本就無固定 Counter, 只可起飛前2小時才有地勤人員在。唯有用Locker 啦! 最後要用2格最大的, 盛惠1000円吖, 即時有點不開心, 但出門好多都不是你預計之內的...算了吧! 恩人早兩天列車經過時見到有間 Big One, 他直覺有好貨, 所以第一站: 市立醫院前站... 最後一天了, 沖繩的天空真的好美啊! 不過中午時分, 約10 分鐘路程巳令我汗流浹背了。我還發了丁點皮氣添...sorry! 這花店的花好靚呀! 顏色十分特別... 到了, 共2層, 不枉此行, 買到心頭好! yeah...yeah 沿路上車站時, 發覺部防水viewcam 唔見咗呀! 最後一天才唔見, 心想 viewcam 唔見可以買過部, 但所有潛水的回憶沒了, 天呀! k: 你最後見部機是什麼時候? 放在那個位置呢? 恩: 在車站( 然後一支箭跑咗去 ) 影都唔見! 我上到車站見恩人在站內搜索中, 我就到站長室問, 話我遺失了防水相機, 有無見到呢? 見佢只是點頭, 我有點緊張, 告訴他我今天最後一天, 要回香港了。希望他能幫忙問問。點知佢問我部機什麼顏色, 我說紅...+黑, 他打開櫃, 我眼都凸埋, 唔係咁都比番我嘛? 感謝上天... 我們只有不停多謝、鞠躬; 日本人真的好好! 好! 好 .......簡單填番張表格離開了! 心裡只有感恩同感恩。。。 帶著戰戰兢兢 的心情, 繼續旅程。牧志站, 不是來過嗎? 落車後向正前方行, 有間24 小時的 AEON, 真係連汁都撈埋呀! 勁...日本D花一D都唔貴呀! 地下是超級市場, 2/F 是100円店, 其實每間100円店的貨品都不同, 有很多好貨是香港沒有的,因連運輸費價格都會提升啦! 最後去番小祿站, 原本有Coupon 想找一藥粧店取禮品的, 但最後都找不到... 夠鐘去機場了。 超多人排隊呀! 有點混亂, 好彩有窗口位坐, 又唔知是否素食關係呢!, 咁忟check in 都有第2 行坐喎! 太好了! 下圖: 這款零食是新發現, 我覺得超好味啊! 是昆布絲, QQ的! YUMMY! 沖繩再見喇! 我真係好鍾意沖繩個天空啊! 圓形的位置是個島, 下面是海, 美嗎? 坐在我們後面的是兩姊弟, 約7、8歲, 他們傾計太大聲喇! 我不是有心偷聽的。 弟: 這班機穩定很多, 沒有什麼氣流, 今次我猜我不會嘔的!(語氣很認真的說, 哈哈...)( 說話好老成的弟弟啊! ) 你兩姊弟感情真好, 什麼都可以談, 真令人羨慕呢! 這個旅程中有很多小朋友環繞著我們, 小朋友都十分可愛, 得人鍾意, 因為他們都有一顆赤子之心。 百看不厭的天空, 雲的美態有幾多種呢? 又是先派餐給我們: 西方嚴格素食 ( 烤焗雙瓜濶條麵 )看似簡單, 味道卻很好, 每次都是日本回程的飛機餐好食好多嘅?! 有行內人可告訴我為何嗎? 東方素食: 一打開, 咁普通嘅! 食落至知, 內有乾坤的。有素蝦、素火腿、黃耳、雲耳、銀杏等。 一點都唔普通呢! 再看看窗外的景色, Wow... 下圖: 香港的天空也不錯啊! 終於回到香港了, 取行李前去個洗手間先, 恩人一入到厕格, 居然執到銀包, 還有手提電話, ( 心想 )上天不是這樣來試探我嘛?! 看看附近又無人, 打開看看, 內有多張信用卡、各國貨幣、還有一張學生證添! 打算出來找我拿去那裡報案, 誰知見一高大的外國人不停問清潔工, 恩人認得他的樣子, 馬上上前物歸原主。同一天發生的事情, 奇怪嗎? 這是千真萬確的真人真事, 所以大家記住, 不是你的不要貪, 所有一切都有主宰的。 這個旅程中有許多難忘的回憶, 跟旅行團絕對不會有這些體驗, 如果你都想嘗試到日本自由行, 就嘗試去吧! 有好友到此blog瀏覽到 day 2巳問, 到底我整個旅程用了多少費用呢? 你有興趣知嗎? 回應我吧! 嘻嘻... 2013年8月22日下午11:45公開累積瀏覽 1743