其實我又唔係成日介紹好嘢既, 今次就講吓D親子壞去處 從遠古時代的出奇老鼠, 歡樂天地到今日既美國冒險樂園, 真係越嚟越「貴」 相信「冒險」呢兩個字用嚟形容家長個荷包就差唔多 呢日我哋約咗公公婆婆食飯但係未夠鐘, 仲有成個鐘頭唔知做咩好 記得二期呢邊有間冒險樂園, 於是諗住帶佢哋上去唱少少代幣玩吓! 起初諗住唱廿蚊都夠玩一粒鐘, 嘩點知....原來$2先得一個代幣 我係咁咦望下其中一個遊戲都見到成10個代幣先有得玩一次, 即係要廿蚊! 我仲要同時滿足兩個小朋友既願望, 即係要$40先可以一齊玩一個Game 呢個消防員救火遊戲真係噴真水落個Mon度救火 玩係好玩, 但係只係玩咗短短三分鐘就已經用咗我$40!!!! 之後過到嚟呢邊見到有部「推餅機」(我係咁稱呼佢) 但係呢部係新款的, 第一次見係喺電視節目介紹日本時睇到, 估唔到呢度有! 所以就玩吓 但係都要$12個代幣一局(即$24), 其實可唔可以有D代幣面值高D, 唔駛我入代幣入到手軟呢? 點擊圖片放大 呢個新款「推餅機」係每人有兩個控制桿! 仲要喺遊戲既中段會突然跌12塊細餅落嚟好刺激! 點擊圖片放大 +3 不過開心既時間過得特別快同特別貴! 呢度絕對係一個燒錢好地方 同場都見到有朋友喺度Book場開Party, 哥哥好想爬入去一齊玩! (我心諗時間快D過早走早著) 有生之年都真係未必會再嚟玩...Bye! Photo by CANON 5D Mark III, Len | EF 24-70mm f2.8L USM 呀劍評分: 4分 呀劍評語: 一個字「貴」! 玩咩都係瞬間轉移, 幾秒鐘就幾廿蚊上落, Hea一陣都唔見幾百蚊, 邊個有錢冇掟駛, 呢度簡直係燒錢之選! 美國冒險樂園 簡介 美國冒險樂園分店遍佈全港,您可暢玩最新大型機動遊戲及各項經典玩意、更有過千款禮品以供換領,也可舉辦生日派對! 地址 德福廣場二期6樓612-614號舖 營業時間 每天早上11時至晚上10時 收費 非會員:2元1個代幣 會員〈入會費20元〉:100元60個 網頁 http://www.jumpingym.com/big5/indexc_branch.aspx 電話 2997 3035 (以上資料更新至文章當日) Facebook專頁: 呀劍萬帥 kimfamilytraveltips Blog網誌 : kimfamilytravel.blogspot.hk