23-27/6/2016 今次我係香港航空 Package 2晚酒店連機票及稅$18xx 一個人 價錢都算ok Day 1 夜機到達,回酒店 Day 2 環劍湖 Day 3 下龍灣 Day 4 下龍灣,河內市 Day 5 河內市,回程 夜晚岀發河內,坐左個幾小時 去到河內時間11點幾 去到個邊,個機場都冷清清,不過都幾乾淨 一岀到去就9衝去換錢先,估吾到咁夜都未收,可能24小時都有得換 最小個張都20000,即時變左做有錢人 換完錢,都就12點,吾理了,即時揾的士直去酒店 提示,記得去的士站,中途有好多人問你去邊,吾洗理就得 小弟就住河內西洲際酒店,位置係西湖附近 機場去河內市就大約30-40萬越盾 點擊圖片放大 +3 一去到,有露台,有大浴缸,對住西湖景觀,但黑媽媽咩都睇吾到 等第二朝一訓醒就岀動 Day 2 訓醒即時望下個景,岀去望下間酒店先 點擊圖片放大 +3 我就係住呢d湖上小屋,今日陽光好好,不過係幾熱 自然訓到11點幾就準備岀動了 我呢幾天都係的士代步,因為真係好平 我見有d 6000起跳,有d就10000起跳,每次跳就100 計反10000=港幣$3.5,所以有咩可能吾坐的士丫■■ 今日就會去環劍湖個邊行下,食下野 我就去小店d 大排檔食下,我見有好多外國人先夠膽試下 佢地d餐牌,有英文有圖,一定睇得明,價錢都吾貴 賣相都ok 架 呢餐都食左我10幾萬,有錢人係咁上下 食完野,因為實在太過熱,真係要揾d有冷氣地方休息下先得 我去左做個按摩,試下越南妹d服務先 我一早上網揾定左邊間好 決定去間高級少少的試下 去左呢間叫La Siesta Spa 係一間酒店入面的 點擊圖片放大 環境真係吾錯,越南妹啲手勢都幾舒服, 最後按左一個小時,有全身按摩,肩頸按摩仲有落精油 按完成個人鬆晒,服務仲好好,又有俾事後茶飲 兩個人按左差吾多100萬,價錢尚算合理 按摩完就繼續出去睇吓有咩玩 我地按完都差唔多三點幾四點,就決定去睇越南最有特色嘅水上木偶戲 點擊圖片放大 你問我好唔好睇,我可以話我接受,其實佢哋全程都講越南文,淨係睇到啲公仔係啲水上飛來飛去,如果你未睇過嘅都可以睇吓,我哋睇左大約一個鐘都係每人100,000越南盾,其實都幾抵睇 之後繼續係環劍湖附近欣賞下越南人啲特色街道建築 之後係街邊檔食下啲湯牛湯雞河粉之後 就回酒店休息,準備第二朝起身出發去下龍灣 Day 3 今日要岀發去下龍灣 多謝之前香討巴打幫忙,我係越南tour TheSinhTourist訂了2日1夜下龍灣 住在船上的,total 就510萬兩個人 包曬河內來回車程,船上早午晚三餐 同行團友,全部都係外國人 去到碼頭,好好天,好多船 我住架船個名,真心幾令 我間房同洗手間,幾乾淨 午餐係越南加西餐,味道都吾錯 係船上d 飲品就要自己俾錢買,不過都係有限錢 呢個係餐廳 船上平台,俾你享受太陽 下龍灣的小島,真係望倒都舒服 中途會俾獨目舟你玩,可以游近d小島的 看我多悠閒 話咁快就日落了 轉眼太陽就快不見了 點擊圖片放大 +2 晚餐,都好正好好味 Day 4 係船上訓醒,本身諗住起身睇日岀 我6點醒左,點知個太陽已經岀左黎 已經有好多姐姐圍住我地隻船,想賣野俾我地 天氣都係咁正,空氣都清新好多 船上有個西自助餐,食飽又會有活動 食完野就到今日其中一個活動就係上島參觀佢嗰個山洞 個山洞入面有好多岩石,入邊都幾凍的 係山洞影反落黎 有d紀念品買下 之後再睇下景色,12點又去反碼頭了 又係時候坐反3小時反去河內市 Day 4 反到河內都5點了,即刻反酒店check in 先,放反d行李 今晚我住位於環劍湖的5星級酒店 Apricot Hotel 個大堂都好令架 上左最頂,係泳池,可以望到環劍湖景色 透明地板,好正 晚餐就吾講了,都係食反d越南野 不過我地決定今晚去睇夜景 點擊圖片放大 呢度係Lotte Hotel 的65 floor,top of hanoi bar 係香討巴打介紹我去的,令,正 睇完就反去過最後一晚了 Day 5 享受埋最後一晚,今日都訓到11點幾,12點check out 去食埋越南最後一餐 拎住咁多行李我地就選擇去左cafe食 AVALON cafe 面對環劍湖景 都係食反春卷,湯牛河 因為我係6點機 所以食完午餐都仲有時間,但係條街又真係太熱,都吾想四圍行了 去左做腳底按摩,鬆一鬆 叫wonderfoot massage 環境好好,有香味 我按70分鐘也只收費150000越南盾 可惜吾係越南妹技師........... 按完就岀發去機場回港了 架機幾令,雖然我吾係坐越南航空 希望呢個遊記可以幫到大家