其中一張代表作 仲有沒有人記得,今年係猴年?上年羊年去睇羊,今年猴年當然去睇馬騮啦,估唔到又撞到個靚景。 係香港要睇馬騮,當然去馬騮山啦,即係金山郊野公園或者石梨貝水塘。細細個屋企人就帶住我一家人去個度燒野食,係一個好地方。去馬騮山最簡單就搭巴士72,81,86B係石梨貝水塘落車。 地圖,橙色係路線 一對Monkey 搶完野食會即刻上樹 佢地食生果最叻 一落車就已經被馬騮包圍,唔好話唔提醒一大家,記得收好隨身物品,馬騮仔係識得認膠袋嘅,尤其係惠X同X佳膠袋,佢地會以為入面係野食,一見到就搶。所以唔想冇野食,大家要收好所有野。 溫馨提醒: 小心跌電話,聽講曾經有人影影下相想比馬騮一嚇,跌左部電話就比比馬騮以為野食執左,一去不返。 點擊圖片放大 講返正題,由路口入,正所謂條條大路見馬騮,沿住大路影下相,慢慢就行到大霸。不時會看見兩班馬騮晒馬對峙,大家還是遠觀一下好了。經過了燒烤場,右手邊會有一個路口進入山路。成程路係一個圈,大概一小時能走完,而我們發現的秘景就係入面。為左認到入口,我地喺電話亭影左張相做標記。入口個鐵網都係一個影相既好地方。 入口標記:電話亭 監獄feel 開始有幾級樓梯,之後都係平路 過左鐵絲網開始行一個圈會呢個位出返黎。成程路有好多小路可以行落水塘邊,有啲一家人釣魚,有啲情侶兩個人野餐。至於我地搵到個景就係一棵申左出去水塘嘅樹幹。影完一輪想走嘅時候,岩岩好太陽出左黎,日落大背光,最靚嘅一張。至於呢個景實際位置,比個大概大家,其實除左呢個位,好多小路入去都係靚嘅,大家不防自己探索下,實行自己靚景自己搵。 超級好彩,出太陽一刻 小心輕力坐上去,唔好跌落水同整親棵樹 除左呢個靚景位,其實仲有好多景都好正,明明一個鐘嘅路我地行左兩個幾鐘,下面呢幾張就係一部分作品,有山有水,好愉快嘅一日,襯天氣唔算太熱,快啲去行返轉。 撤退路線係原路返出去巴士站,大門個亭旁邊有行人天橋過對面搭81落佐敦食飯。 點擊圖片放大 +4 如有什麼問題,歡迎發問。 也可以follow一下instagram @sillygentleman