本身我係好鍾意食烤魚,之前去開九龍城食,但上星期凍就懶得落去,結果喺黃大仙食咗一間平靚正嘅火鍋!夜晚九點後入座,無論烤魚定雞煲,都只係88蚊。全條烤魚都係88蚊,真係幾抵,我喺九龍城食要過200蚊。 本身以為佢好細條,無諗原來都幾大條。我仲叫咗好多火鍋料打邊爐,真係眼闊肚窄。 杯檸檬茶先誇張,雖然32蚊,但大杯到兩個人先飲得晒。 肥牛就一般般,好肥好肥。 個雜菇除咗有五款菇之外,佢仲用勁多木耳墊底 雲吞又係抵食,每粒入面有成兩隻蝦;牛柏葉又勁大塊。 另外,佢連娃娃菜都畀足兩棵你,兩個人食晒咁多嘢真係飽到喊!!!兩個人飽到震,300幾蚊落樓都幾OK。 煌極 黃大仙蒲崗村道33號百利軒地下1G舖 Follow me ヾ(○´▽`○)ノ Facebook: 港豬生活點滴. Instagram: flypighk