身為Kumamon嘅super fans,一直心癢癢整佢個樣。不過搵親嘅朱古力曲奇食譜,都唔多適合,最後搵到個「黑媽媽」嘅曲奇食譜,就的起心肝試試。雖然最尾因為自己心急,曲奇硬咗少少,不過味道好好食,有啲似oreo。 無影到過程相,因為當時對手實在太污糟,以下就係做法~ 材料 ( 約18塊 ) : 250g all-purpose flour ( 要先過篩 ) 45g 黑炭可可粉 ( 係全黑色嘅可可粉 ) 3g 鹽 150g 無鹽牛油 ( 先放軟 ) 130g 白糖 75g 紅糖 3ml 雲呢拿油 1 隻蛋 (其實我係參考sweetapolita,不過我自行簡化少少,跟足佢可能仲好食!) 做法: 將鹽、麵粉、可可粉放落一個大碗 用電動打蛋器將牛油及糖打到鬆起,顏色變白 ( 約 5 分鐘 ),放入蛋攪均 倒入混合粉類攪均(電動打蛋器用低速),倒入雲呢拿油攪均,搓成粉糰 將粉糰碌平至0.5CM厚,再放入冰格15分鐘 取出後印熊仔模,預熱焗爐160度 放曲奇入爐焗16分鐘 出爐後,放10分鐘先脫模 之後整Kumamon樣,我用最簡單嘅方法 - 糖膏! 曲奇完全放涼後,再用糖膏整成眼耳口鼻,不過糖膏有啲甜,用朱古力可能好啲。呢隻曲奇味道可能未係超好食,但個樣都呃得下人~ Follow me ヾ(○´▽`○)ノ Facebook: 港豬生活點滴. Instagram: flypighk