因為見到有梨友話荃灣AEON新開嘅日本雜貨店R.O.U,有船梨精賣;難得香港搵到梨梨嘅產品,梗係要去一去。 星期日AEON其實都幾多人,R.O.U比我想像中細,不過個格局真係好日本,仲有好多靚靚萬聖節裝飾。 免費曬相果度都有十個八個人排,但因為入面啲路太逼,無排到。產品其實同LOGON好似,不過卡通會多啲,有日本當紅嘅蛋黃哥,船梨精等等。 可以一讚嘅係,喺化妝品區有個落妝位,有鏡有櫈,好貼心。 新開嘅仲有AEONBODY,我個人就鍾意AEONBODY多啲,有好多來自日本唔同地方嘅產品,好似蜜糖,茶葉。呢套茶葉真係靚到不得了,但60蚊有找。 題外話,我唔小心掃跌咗個價錢牌,有個日本嚟嘅員工搶住幫手執,搞到真係幾唔好意思。之後佢仲用唔咸唔淡嘅廣東話介紹產品,AEON真係做得好有心。 呢啲入浴劑都好靚,不過喺香港都幾難用得著 另外仲有好多日本小食、健康食品等等。無糖嘅咖啡糖(心心眼) 總括嚟計,想睇日本精品就可以唔使特登去,但想買日本家居小物就必去! Follow me ヾ(○´▽`○)ノ Facebook: 港豬生活點滴. Instagram: flypighk