其中一間會食過返轉頭, 就係----"和氣食堂"。價錢大眾化, 抵食夾大件, 選擇多, 最緊要咁多年都keep到水準! 刺身、卷物、壽司、沙律、小食、丼飯等等...款式令人花多眼亂。 【溫泉玉子牛油果凱撒沙律】HK$59 沙律大大碟, 沙律菜嫩綠爽脆, 一吉即流出蛋汁既溫泉玉子, 令整個沙律更加濕潤。相比平時加入沙律醬, 呢個配搭更為清新, 不會過於重口味。 【3點刺身盛】HK$118 三文魚刺身均為厚切兼有魚香; 甘蝦鮮甜肥美; 鯛魚夾集蘿蔔蓉食, 爽中帶甘香微酸。 【鰻魚牛油果班戟】HK$55 甜甜地既班戟包住偏林既牛油果、蟹柳、鰻魚, 一啖過滿足多層次口感同味道, 除左有pancake淡淡蛋香, 更有甜甜既鰻魚燒汁+鮮甜蟹柳, 既有特色, 味道亦唔錯。 【大阪豬扒丼】HK$85 賣相已經很有份量, 頂層有清新爽脆既椰菜絲, 移開有大大件炸豬扒, 甜甜洋蔥汁+已凝固至8成既蛋汁被預先淋上, 令炸皮索左個汁, 用作豬扒調味, 豬扒為厚切, 肉質較林, 入口更有陣陣蛋香味。而少量既汁流至底下既飯, 撈飯食唔錯! 點擊圖片放大 另外有個抵食套餐: 電撃雞翼、炸薯條、芭菲, 三款加埋都係HK$72 【電撃雞翼、炸薯條】 電撃雞翼為凍食, 外皮平均被焦糖包住, 質地偏硬脆 【培茶芭菲】 培茶雪糕香滑帶甘, 富有茶香; 配有微微煙韌小丸子, 最底仲有小小紅豆蓉+脆片, 完美~ ************************************************ 和氣食堂 黃大仙正德街103號黃大仙中心南館地下G12A號舖 星期一至日: 11:00 - 22:15 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請:keresa820@hotmail.com ************************************************