彌敦道有間韓國過江龍既炸雞韓國料理, 雖然年幾前已經食過, 對於食物印象唔太深刻, 但記得不是伏, 亦沒有什麼可以吸引我encorn再去, 而今日朋友就提議去呢間食炸雞, 既然不是伏, 冇意見地跟佢再一試啦! 餐廳內燈光柔和, 吊起滿天星星佈置, 增添了浪漫氣氛, 近門口有一道鎖牆, 同埋可以幫忙代寄一年後既信, 感覺特別有趣~ 點擊圖片放大 餐牌上每款食物都有圖片參考, 更易理解每款食材! 野飲方面都有果汁酒同埋無酒精特飲, 岩返唔同人口味~ 點擊圖片放大 【Mango Ade】HK$34 餐廳自行調製, 芒果梳打夠汽, 味道剛好, 唔會太甜, 亦飲到芒果味 呢度既炸雞份量都幾大, 還好餐牌上有"半份"選擇, 揀左【蜜糖香蒜炸雞】HK$118 原來呢度既炸雞都係無骨的! 啖啖肉, 每件炸雞外皮都平均有蜜糖包住,甜甜地, 咬落去, 炸皮還是酥脆! Keep到肉汁唔鞋口~ 更有薯格同埋薯條伴碟, 薯格仲超香脆, 表面有些少芝士粉調味, 唔錯! order炸雞會另上四色醬, 但味道確實足夠, 所以唔需要額外點醬都OK! 亦order左款鍋物【忌廉海鮮】HK$298, 有火慢慢興住, 原隻炸魷魚成為焦點, 上檯比我地打卡後, 店員會協助將炸魷魚剪件, 中心位為忌廉汁, 炸魷魚炸皮慢慢索左個忌廉汁, 加上魷魚很爽, 超正! 除了主角魷魚, 仲有細細隻蝦、蜆、韓國魚腐、年糕、椰菜, 最中意魚腐, 索到忌廉汁之外, 更keep到本身鮮甜, 年糕煙韌, 中心位唔會食到白麵粉~ 不過椰菜就有d甘甘地.... 至於旁邊有少少泡菜碎, 都幾辣, 隔離既甜菠蘿粒似乎比我地解辣~ 另一邊有紫菜、芝麻飯, 幾香口, 又暖暖地, 最邪惡當然係佔半圓環既芝士粟米啦! 熱辣辣果時真係可以拉到長長芝士ga!! 芝士味濃郁, 正!! 食過今次之後, 對呢度既食物改觀, 水準比之前確實提升了! 日後又多了個韓國餐廳選擇呢~ ************************************************ Outdark 旺角彌敦道613號飛達商業中心2樓 星期一至六: 17:00 - 02:00 星期日: 17:00 - 00:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請:keresa820@hotmail.com ************************************************