要照顧一大班朋友不同口味, 放題就係最好選擇! 但為左把握有限時間食到夠本唔想蝕, 未必可以慢慢暢談~ 觀塘區近MTR Station, 新開左一間無限時任飲任食豐富放題, 一個價錢享盡刺身、雞煲同埋打邊爐, 聽落真係要留肚先好去食啊! 先看一下menu, 食物會由12點方向開始逐一送上, 而部分食物標明可以無限添加 醬油區自由混醬 可於雪櫃自取飲品, 當中要推介一下呢度既自家製飲品! 平時好少可會欣賞放題既自家飲品, 大多唔係過甜就淡如水, 但呢度自家飲品足料製, 而且甜度剛好 自家飲品分別為竹庶茅根馬蹄甘筍、菊花羅漢果, 兩款都係清熱滋潤, 岩哂打邊爐邊飲~ 自家飲品係餐廳每日新鮮製, 所以數量有限啊~ 先送上江南8小碟前菜, 送上檯, 真係嘩左一聲, 份量對於兩個人黎講唔係叫小碟! 排列整齊, 每碟醃製的都很入味, 炸豆腐軟脆, 入面豆腐仲好滑~ 蝦好爽 刺身: 是日原條時令魚分別係三文魚同池魚選擇, 我地就揀左池魚, 想不到呢個價錢仲食到原條池魚, 沒有腥味, 池魚甘甜爽口, 另外仲有帆立貝、肥美鮮甜赤蝦同埋三文魚籽, 款款都很新鮮 雞煲可自選大中小辣, 雞煲份量唔多 (但可以免費encorn), 有唔少洋蔥同埋莞茜, 雞件已經有8成熟, 建議炒兩分鐘就食得, 香噴噴, 我地揀左小辣, 雞煲都係辣辣地先惹味! 雞件出奇地嫩滑!! 而且入味, 令人忍不住一口接一口, 正!! 食完雞煲再揀湯底開始打邊爐, 我地揀左美人鍋, 湯底中有半隻雞同埋每人一片花膠, 不過雞肉比較鞋口, 還好花膠size都幾大, 有些少厚度, 有豐富黏既膠質。 湯底不算濃郁, 加多少少鹽會更好! 火鍋配料開始逐一上檯----丸類, 略帶彈牙 海鮮併盤包括有蟹仔、魷魚、蝦、脆鯇、蜆, 款款都新鮮冇腥味, 蜆肉仲好大隻, 好厚肉!!! 牛小排: 牛脂豐富, 肉質嫩滑冇起渣 響鈴: 很透薄, 浸湯兩秒就已經索到湯, 食唔到脆口口感 Menu上既火鍋配料都可以無限order, 更有少量熟食供應 小龍蝦: 凍食, 甜甜地又少少辣, 幾惹味~ 椒鹽爆海蝦: 部分蝦有d痴殼, 但蝦肉幾爽, 表面炒過, 夾住d炸蒜食, 幾香口 其實仲有個油飯, 但因為我地太飽, 唔想浪費食物, 所以叫餐廳唔好出飯比我地, 直接出甜品同茶, 甜品每人一份, 精美極了! 最後仲有茶藝玩下, 自泡茶...為食完咁豐富既放題消消濟~ 店員服務招呼周到, "無限時放題" 確實比較少有, 終於可以同朋友慢慢食, 慢慢傾, 食到飽, 絕對係可以飽到抱住個肚走! ************************************************ 淥鼎記 觀塘觀塘道414號壹亞太中心8樓 星期一至日: 17:30 - 23:30; 12:00 - 15:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s She.com: https://blog.she.com/keresawongls/ ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請:keresa820@hotmail.com ************************************************