炑八已經率先推出韓冬聖誕套餐, 食過好幾次呢間日式烤肉, 一直都keep到水準, 冇中過伏, 有新菜式亦抱住期待心態一試! 呢間分店仲新增左期間限定Drawing Mary主題, 係牆上掛了好幾張Drawing Mary圖片, 令餐廳增添了色彩、氣氛。 入座後, 店員已馬上送上爐邊蛋、芝士粟米、多款韓式配菜等, 而且仲可以無限添加啊~ 我地剛好點左個二人餐, 再額外ORDER左兩杯特飲同埋一個甜品。 【海底椰雪梨茶(熱)】HK$32 味道清甜, 入面仲有海底椰果同埋雪梨可以食, 韓燒中亦可以潤一潤喉 【紅桑子沙冰】HK$46 沙冰打得幼細平均, 甜中帶點微酸, 加上了cream, 入口幼滑 【韓冬套餐】HK$580 黎一個純豆腐湯 果然很足料, 豆腐份量唔少, 很滑, 睇色水意為係好辣, 但入口原來係超微辣, 食得辣既我唔太食得出果種微辣。 入面仲有隻生蛋, 趁湯仲熱, 可以打成蛋花, 令入口更香。湯中仲有幾粒蜆肉同埋少量魷魚圈, 湯料比湯更多~ 極級韓牛西冷 表面有薄薄雪氣, 放上鐵板, 依然有鮮紅血水滲出, 但要注意烤既時間, 烤過時會很易失去肉汁 仁川珍寶大蝦 蝦肉肥美, 半開邊夾左蒜蓉, 肉質爽口彈牙, 不是死蝦質素, 蒜蓉味幾重, 但唔會完全蓋過蝦既原汁原味。 梨汁豬頸肉 豬頸肉切成條狀, 肉質比平時切成一片片既更加爽口 黑椒蜜糖雞扒 醃得非常入味, 注意雞扒唔好過熟, 免得失去嫩滑肉質, 雞扒甜甜地而且嫩滑, 好好食! 護心肉 護心肉切成細細件, 很林, 容易咬開, 甜甜地 本身menu上寫呢個餐包括大八爪魚, 但餐廳指全線暫時缺貨, 所以以魷魚取代, 魷魚只有半隻, 以辣醬調味過, 爽口帶少少辣, 幾惹味~ 最後order左個甜品【芝士鐵板麻糬年糕】HK$68 鐵板熱辣辣上檯, 見到芝士仲係熱騰騰, 拎起年糕串時仲會見到芝士拉絲, 超邪惡! 芝士口感軟棉棉, 味道香濃亦不會過鹹, 麻糬年糕跟芝士溶為一體, 沒有預期中既煙韌~ 少少甜帶濃厚芝士香, 正!! 同樣地, 今次所新出套餐味道依然唔錯, 沒有令我失望, 係聖誕餐既其中一個好選擇! ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s She.com: https://blog.she.com/keresawongls/ ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請:keresa820@hotmail.com ************************************************