最近天氣熱辣辣, 但無損我打邊爐既興致! 朋友知道我打邊爐同樣係無牛不歡, 於是帶左我去尖沙咀一間樓上舖, 主要提供靚牛同埋高質火鍋配料既火鍋店, 而且仲可以自選一人一鍋! 可以自選自己喜歡既湯底! 當然亦可選擇一鍋過既湯底啦! 湯底未黎之前, 先混醬, 醬油每位HK$28; 前菜每碟HK$20 我揀左【蕃茄薯仔牛腩鍋】 HK$44 湯底清甜, 亦有很重既牛味, 湯底中有幾件牛腩、蕃茄同薯仔 呢間餐廳供應唔同部位既牛, 很多款都想試, 但我地只有兩個人, 唯有Order個大size既再加$30做雙併, 可以多試一款! 【爪邊 併 牛頸脊】 HK$448+30 兩款牛色澤嫩紅, 望落幾新鮮! 建議兩款肉稍為焯5秒即食, keep到些少粉嫩色澤就perfect! 牛頸脊 - 牛脂分佈平均, 入口很嫩 爪邊 - 相對少餐廳供應, 雖然肉質不比牛頸脊嫩, 但牛味跟肉味相對重一點 【手打鮮蝦雲吞】 HK$72 雲吞表面冇水氣, 似乎是即叫即包, 雲吞中除了有豬肉碎, 仲有原隻蝦, 隻蝦仲幾爽! 【自選雙拼丸】 HK$98 丸類同樣選擇多, 而且都是餐廳自家手打, 很有誠意 手打黑松露蝦丸 - 黑松露味幾突出, 不過就冇蝦粒, 似乎已被打碎混入, 但幾鮮甜 手打蟹籽墨魚丸 - 有墨魚幼粒, 同樣鮮甜 不得不讚呢度既手打丸類, 質地的確很札實, 富彈牙感, 唔錯!! 【脆鯇魚腩】 HK$98 魚腩切得厚身, 熟後入口極為彈牙, 鮮魚甜味十足! 正啊!!! 最後還送上是日甜品 -- 班蘭糕點 食物質素都很高質、服務招呼周到, 很主動為我地加湯、收碟等等...會bookmark再黎!! ************************************************ 潮牛莊火鍋 尖沙咀金馬倫道23號金馬倫廣場2樓A號舖 星期一至日: 12:00 - 16:00; 17:30 - 01:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請:keresa820@hotmail.com ************************************************