香港人Shopping買平野, 其一會去旺角, 而旺角最近開左新地標---T.O.P, 地點超近地鐵站, 十步內已到商場, 雖然商場內有唔少店舖都未正式開幕, 但潮人總喜歡先睹為快入去行一圈! 上至最頂層, 有一間人流幾旺既烤肉餐廳, 標榜為全港首間以柞木炭做燃料既網燒餐廳。 前陣子睇旅遊特輯得知, 其特點為密度高令火力較高, 令炭燒香味更為突出! 正好晚飯時間, 我倆就入去一試! 餐廳裝修格調偏向典雅, 跟一般韓烤餐廳更為高尚。當然價錢都是偏貴一點, 但食物質素相對都是高質素! 呢度除左主打韓牛、和牛外, 都有豚肉、雞肉、海鮮, 少許韓國熟食供應。 入座後店員先忙著為我地送上前菜, 且開爐準備燒烤, 有一小筒柞木炭放於火爐上, 明火經柞木炭傳熱力至網面 還好呢度抽風做得唔錯, 唔會太煙霧離漫 前菜之一既泡菜, 都是餐廳自家醃製, 為原棵上檯, 突顯韓國傳統特色! 味道都是很正宗~! 【柞木龍蝦】HK$198 開邊龍蝦仔面層加上了蒜蓉作調味, 肉質爽口彈牙, 蒜蓉更加強了龍蝦本身既鮮甜味, 但小心燒既時候唔好反轉龍蝦, 否則令蒜蓉傾倒, 而且令蝦肉直接被燒乾~ 【韓牛肋眼上蓋】HK$328 牛脂分佈有如大理石一樣, 非常豐富~ 肉味濃, 而且稍為烤一陣子, 牛脂慢慢被滲出, 入口嫩腍、油花四濺, 係一塊高質韓牛~ 【牛舌三吃】HK$228 牛舌每隻牛得一條, 三吃係指師傅既刀功, 分為薄切、厚切同埋比較少見既長切。 薄切 - 可吃到牛舌既薄脆焦香 厚切 - 師傅將其中一面既舌面界成網狀, 容易烤熟而且令口感不會過重而難咬開 長切 - 突顯牛舌既澎湃, 厚度為薄切+厚切之間 一碟牛舌能滿足三重口感, 強啊! 【厚切濟州黑毛梅肉】HK$158 色澤粉嫩, 雖然厚切, 但肉質還是很嫩, 容易咬開 【柞木韓牛飯】HK$158 石鍋熱辣辣上檯, 食到脆卜卜既飯焦香, 多款既雜菜絲不但令賣相吸引, 更有多層次口感, 韓牛粒肉質林而且肉汁豐富! 【菠蘿梳打】HK$36 對於唔係酒鬼既我, 烤肉配梳打水就最岩不過, 呢款飲品中更加入了菠蘿果肉, 熱辣辣既烤肉配上呢杯凍飲, 夾啊! 想食碳燒香既烤肉, 除左去韓國之外, 香港唯一就只有呢度可以食到! ************************************************ 餐廳名稱:柞木炭家 Address: 旺角彌敦道700號T.O.P.5樓501號舖 Tel.: 26190868 營業時間: 星期一至日: 11:30 - 23:00 設加一服務費 接受預先訂座: Yes ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog ************************************************ 合作/邀請:keresa820@hotmail.com ************************************************