每年媽咪生日都選擇食放題, 勝在一個價錢可以享受多款美食, 而且保證食得飽, 同媽咪係一年內食放題食到數之不盡, 而令佢最印象深刻就係上年去過觀塘呢間御前大江戶食放題, 一來地點近地鐵站, 而且三百幾蚊仲可以食到海鮮爐端燒+任飲任食日式放題, 絕對合哂心意! 放題入座時間比起上年有所不同, 不會只分兩個時段, 入座起計2.5小時, 時間更易安排。 當晚為假日8點左右, 餐廳內幾乎座無虛席, 每張檯均有一個爐仔for爐端燒, order以平板電腦落單, 既環保又方便快捷, 另設有自取食物區, 供沙律、少量熟食, 有幾個合併的大雪櫃放了很多飲品, 罐裝、紙包裝, 就連啤酒都可以免費任飲! 點擊圖片放大 +2 甜品方面除了一些小甜點, 還有多款雪糕雪條呢~ 餐廳先按人數獲分一次性的海鮮爐端燒,拼盤, 包括有大大隻虎蝦、鮑魚、大扇貝、日本毛蟹、生蠔, 單看這個拼盤感覺上都值回票價! 虎蝦肉質爽口鮮甜, 不是死蝦質素; 鮑魚係燒既過程中初初仲郁下郁下, 很生猛! 當然更是鮮甜無比! 至於日本毛蟹, 燒後完全不知該從何入手, 幸好有店員主動為我地解剖, 毛蟹既肉一梳梳, 夠哂鮮味! 正當意為爐端燒就此完結, 發現有些海鮮可以無限任加, 當中就是這些大蜆、魷魚、海蝦等... d蜆處理得好好, order左廿隻左右, 都係冇沙, 而且蜆肉都是飽滿鮮甜, 當然係燒既過程中懂得加入適量稀釋清酒啦~ 第二主打當然係刺身啦, 每次order既刺身以冰墊底, 每款刺身都很新鮮, 不會有腥味, 三文魚是帶爽的那種, 而赤蝦都是大大隻, 很肥美! 雞軟骨串, 相連少訐肉, 有少少鹽吊味 火灸芝士三文魚腩壽司 魚油豐富, 壽司、軍艦都是即叫即整, 所以紫菜上檯都還是帶脆 火灸左口魚邊壽司 很爽, 不過火灸後不算香口 炸鮮奶 表面炸得好香脆, 內裡呈半液體狀既鮮奶甜甜的, 奶味很出, 外脆內軟正好形容呢個小食 食物款式很多, 可惜眼闊肚窄, 不可能每樣都能試試, 整體order既食物黎得算幾快, 全程一路食都冇停過口, 而且order的都沒有漏單, 確實可以食到捧住個肚走, 抵食!!! ************************************************ 餐廳名稱:御前大江戶日式料理 Address: 觀塘觀塘道414號1亞太中心8樓 Tel.: 27555328, 27555728 設加一服務費 接受預先訂座: Yes ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: https://blog.ulifestyle.com.hk/blogger/keresawong/ Pixnet: http://keresa.pixnet.net/blog ************************************************