近旺角警署後面街有唔少酒吧, 近近地誤打誤撞就揀左呢間酒吧餐廳。 酒吧當然有唔少款式既酒類飲品, 當中仲有手工啤~ 亦有幾款MOCKTAIL比唔飲得酒既朋友選擇。另外, 野食方面雖然選擇不是太多, 但似乎每款都各有特色。 【Fresh fruit smoothie mango】 HK$58 hh 口感幼滑, 帶少少杰, 芒果味突出, 唔似落左大量糖水, 不會過甜。 MENU上有推介呢款小食: 【Lava 慢煮牛腩,手工包, 千層腐皮】 HK$69 慢煮能鎖住牛腩既肉汁, 手工包鬆軟, 配上牛腩、鬆脆千層腐皮、自家醃製洋蔥, 一咬之下, 牛腩肉汁慢慢流出, 肉質很林, 再加上豐富層次口感, 味道確實一流! 【意大利煙肉, 麵豉, 甜粟米配溫泉蛋】 HK$62 第一次見粟米粒有呢個配搭, 溫泉蛋跟蛋汁混合, 將每粒栗米粒被蛋汁包住, 更為滑口juicy。麵豉不太突出, 而煙肉不會太硬太乾, 配搭創新又做到色香味俱全! 【西班牙煙肉車厘茄手捲通粉】 HK$145 通粉軟硬度岩岩好, 酸甜味平均, 汁醬帶杰, 而且平均包住每條通粉, 食落唔會太乾。 【鮑魚,龍蝦,小麥捲狀意粉】 HK$238 第一次見呢種外型特別既捲狀意粉, 口感同捲通粉差不多, 鮑魚切絲, 龍蝦爽口鮮甜, 正! 本來不抱期望來飲杯野閒聊一會, 意想不到卻帶給味蕾上驚喜, 地點竟很方便, 係一個不單只提供飲酒, 更是美食的聚腳點!————————————————餐廳名稱:LAVA Bar & RestaurantAddress: 太子通菜街236號地舖Tel.: 26421618營業時間:星期一至日: 18:00-04:00設加一服務費接受預先訂座: Yes====================【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: https://blog.ulifestyle.com.hk/blogger/keresawong/ Pixnet: http://keresa.pixnet.net/blog